He mea waihanga i Aotearoa - Te Tiriti o Waitangi.
|

KEI TĒNEI WĀHANGA

Kupu Ake 1838 - 1859

Kupu Ake 1860 - 1879

Kupu Ake 1880 - 1899

Kupu Ake 1900 - 1919

Kupu Ake 1920 - 1939

Kupu Ake 1940 - 1959

Kupu Ake 1960 - 1979

Kupu Ake 1980 - 1990

English version of this page

Kupu Ake

NgĀ kupu ake a Ētahi tĀngata mŌ te tiriti 1960-1979

Kei tēnei wāhanga ētahi o ngā kupu ake a ētahi tāngata ingoa nui e pā ana ki te Tiriti, mai i te wā o mua i te hainatanga o te Tiriti tae mai ki te tau 1990.


Kāore e arohia ngā tohutō i roto i ngā mahi kimi.

NGĀ HONO E HĀNGAI ANA

Tāngata Ingoa Nui

Te Puni Kokiri

Archives New Zealand

Rārangi Ingoa Tātai Reta

Ballance, John
1888
Barclay, Rui
1960
Barnard, William
1932
Bell, Francis (Sir)
1922
Bertrand, G. (Major)
1940
Bledisloe (Lord)
(1) 1934, (2) 1934, (3) 1934
Bracken, Thomas
1882
Bunbury, Thomas (Major)
1840
Cameron, (General)
1864
Carr, Clyde (Reverend)
1932
Carroll, James
1891, 1894, 1908
Carroll, Turi (Sir)
1963
Chapman (Justice)
1847
Chief of Ngā Puhi
1848
Churchill, Winston (Sir)
1906
Clarke, George
1861
Coates, Dandeson
1838
Coates, Joseph Gordon
1925, 1932, 1934
Cobham (Lord)
1960
Colenso, William
1844
Cooke, Alfred
1913
Cooper, Whina (Dame)
1953, (1) 1975, (2) 1975
Dewes, Koro
1968
Fenton, F. D. (Chief Judge)
1857, 1870
Field, William H.
1932
Fitchett, (Dr)
1909
FitzRoy, Robert (Governor)
1844, 1845, 1846
Forbes, George
(1) 1932, (2) 1932, (1) 1934, (2) 1934
Fraser, Peter
1923, 1940
Galway (Viscount)
1940
Gipps, (Governor)
(1) 1840, (2) 1840
Graham, Douglas
1984/1985
Gregory, Bruce (Dr)
1984/1985
Hadfield, Octavius (Archdeacon)
1840, 1860, 1861
Harawira, Titewhai
1975
Heke, Hone
1844, 1845
Herangi, Te Puea
1940
Highet, David
1974, 1976
Hobson, William (Captain)
(1) 1840, (2) 1840
Hunn, Jack
1960
Jack, Roy (Sir)
1974
Jessep, J.
1934
Kawepo, Renata
1861, 1877
King, Michael
Te Puea Herangi
1939
Kirk, Norman Eric
1973, 1974
Kohere, Reweti (Reverend)
1905
Langstone, Frank
1940, 1944
Latimer, Graham (Sir)
1990
Lawry, Walter (Reverend)
(1) 1845, (2) 1845
Lowry, L. G.
1944
Hamuera Mangakahia, Moehau
1892
Mangakahia, Hamiora
1908
Maori Rights Conservation Association
1907
Martin, Samuel McDonald
1841, (1) 1845, (2) 1845
Mason, Henry Rex
1939
Maunsell, Robert (Reverend)
1845, 1846, 1847
Mawhete, Rangiputangatahi
1944
May, Henry
1973
McLean, Mr
1984
Moki, P. (Reverend)
1940
Muldoon, Robert
1973, 1974
Nash, Walter
1932, (1) 1960, (2) 1960
Native Affairs Committee
Report
1945
Nene, Tamati Waka
1840, 1860
New Zealand Herald
Editorials
1934, (1) 1940, (2) 1940
Ngapua, Hone Heke
1894
Ngata, Apirana (Sir)
1907, 1919, 1922, 1930, (1) 1932, (2) 1932, (3) 1932, 1934, 1938, 1939, (1) 1940, (2) 1940
Ngata, Henare
1972
Ngatata, Wiremu Tako
1873
Ngati Raukawa
petition
1860
Normanby, (Lord)
1839
Paerimu, Eruena
1879
Paikea, Paraire Karaka
1939, 1940
Palmer, Geoffrey
1984, 1990
Pana-kareao, Nopera
1840, 1841
Parata, C.
1908
Parr, James (Sir)
1932
Parry, William
1938
Plunket, William (Sir)
1908
Potae, Wi
1934
Prendergast, James
1877
Pugsley, Christopher
Maori Battalion
1918
Puriri, Nau Paraone Kawiti
1963
Queen Elizabeth II
1963, 1990
Rankin, Hone Heke
1953
Rata, Matiu
1960, 1971, 1973,1974, 1975, 1976
Ratana, Tahupotiki Wiremu - petition
1932
Ratana, Haami Tokouru (Toko) - 1939
Ratana (Mrs)
1960
Rewa, Ngai Tawake
1840
Riddiford, Daniel
(1) 1971, (2) 1971
Rowling, Bill
1975
Royal Commission on Social Policy
1988
Ruru, David
1975
Salmond, John (Sir)
1918
Savage, Michael Joseph
1934
Seddon, Richard (Premier)
1894, 1902
Simpson, Peter (Dr)
1990
Sinclair, Keith (Sir)
1990
Somes, Joseph
1843
Stanley (Lord)
1845
Stirling, Eruera
1985
Stout, Robert
1914
Sutch, William
1966
Symonds, W.C. (Captain)
1840
Taipari, Wirope Hoterini
1869
Taipua Te Puna-I-rangiriri, Hoani
1891
Taonui, Aperahama
1863
Tawhiao, (King)
1884, 1885
Taylor, Richard (Reverend)
1845
Te Arawa
petition
1891
Te Awha, Parore and Ngā Puhi
petition
1882, 1883
Te Tomo, Te Taite
1932
Tennet, Elizabeth
1990
Tirikatene, Eruera
(1) 1932, (2) 1932, (3) 1932, 1933, 1938, 1939, 1960
Tirikatene-Sullivan, Whetu
(1) 1974, (2) 1974, 1985
Tomoana, Henare
1893
Topeora, Rangi Kuini Wikitoria
1861
Tuhaere, Paora
1860
Tuwhare, Hone
1975
Te Heuheu Tukino, Tureiti
1898
Upton, Simon
1984, 1990
Vercoe, Whakahuihui (Bishop)
1990
von Haast, H. F.
1934
Ward, Joseph (Sir)
1908
Warren, John (Reverend)
1863
Wetere, Koro
1984
Williams, Henry
1845
Young, Venn
1975

Quotations About The Treaty of Waitangi. Quotations About The Treaty of Waitangi.
  6 Pēpuere 1960
Viscount Cobham being welcomed to New Zealand at the beginning of his term as Governor-General, September 1957.

Lord Cobham

Image: ATL 1/2-025351- F
© Image copyright conditions

Lord Cobham
KĀWANA-TIANARA O AOTEAROA

Ko te rā tino nui rawa tēnei i roto i ngā rā me ngā tau mō Aotearoa. …Ko te rā tēnei, 120 rau tau ki muri, i whaowhina ai te tauira, i tāia ai te tāniko me ōna miro mā, miro pango, i tuia ai kia noho ai he whakaahua tōtika tonu o te whenua hou. …He roa te wā, he whānui hoki te ara o ngā tau, nā reira e tika ana te kī kātahi anō ka tīmata. …Ehara ēnei tau, mai i taua wā, i te tau ngāwari mō te iwi Māori. 100 noa iho ngā tau mō te iwi Māori hei ako i ngā whakaritenga o te ao hou, ka eke atu ki tā ngā tāngata o ngā whenua o te Hauāuru o te Ao i ako ai i ēnei tau 2000 ki muri. …Mā te whakapiripiri anake o ngā kaihautū o ngā momo iwi e rua i Aotearoa hei tuakana teina, e taea ai ngā aho ātaahua te tuitui, e tarapī ai te mahi a te kaiwhatu, kia mau roa ai te kākahu ki te ao nei. Kaua e tukua e tātou kia whati, kāore i āhei te whawhati i roto i ngā pakanga e rua o te ao. … Ko tēnei rā, te Rā o Aotearoa, te rā i puta ai te whānautanga o tēnei whenua hei whenua motuhake. Ko te rā tēnei e piki ai tōna mana i roto i ngā tau. Kia ū anō tātou ki te wairua o tēnei rā nui ake ake, kia kore ai e waimeha.

[Northern Advocate, 8 February 1960, reporting on the 120th anniversary of the Treaty of Waitangi and the first evening celebrations.]

 
  6 Pēpuere 1960
Walter Nash. Photographer and date unidentified.

Walter Nash

Image: ATL 1/2-059930
© Image copyright conditions

Walter Nash
PIRIMIA

... Nō te hainatanga o Te Tiriti o Waitangi 120 tau ki muri ka whānau mai tētahi whenua hou. Ko ōna pou ko te tika, ko te noho ōrite, ko te noho o ōna momo iwi i runga i te whakaaro kotahi me te rangimārie. Kei roto i te Tiriti ko te kākano o te noho tahi o ngā iwi e rua. E rua ēnei tāngata i whakakotahitia i raro i te haki kotahi, i te Kuini kotahi. E tino whakapono ana au mehemea i āhei ēnei tāngata o ēnei 120 tau ki muri te mātakitaki i ngā mahi o tēnei ahiahi, kua tino hari te ngākau, kua ea katoa ngā tūmanako. …I whakawhāititia mai ngā kaupapa taketake o tētahi whenua mana-nui i roto i te Tiriti, nā, ka nui te ahunga whakamua o te iwi Māori i ngā wāhanga mahi whānui o te motu nei. … mō te taha ki te noho tahi o ngā iwi e rua, he nui tonu ngā mea kei te toe ki te hiahia tātou kia whakatutukitia te Tiriti o Waitangi. Ko te kākano i whakatōkia ki konei 120 tau ki muri he kākano pai tonu. Ko tā tātou mahi i tēnei pō he whakahōnore i te hunga i kaha rawa ngā mahi mō te kaupapa nei.

[Northern Advocate 8 February 1960, reporting on the 120th anniversary of the Treaty of Waitangi and the first evening celebrations.]

 
  6 Pēpuere 1960
Township of Russell, 1920s-1940s. Photographer unidentified.

Ko te tāone o Kororāreka i ngā tau 1920-1940

Image: ATL 1/2-100983-G
© Image copyright conditions

Rui Barclay
KORORĀREKA, HE WAHINE WHAIMANA

He ingoa hou tā ngā iwi Māori o te Tai Tokerau mō te Tiriti o Waitangi – ka kīia e rātou ko te “Tiriti o Monitangi.” Ka kitea i roto i te ingoa te hōhā o ngā kaihautū Māori maha, i te ngoikore o te tiriti i ēnei rā. …he kaha ake te wairua aruaru moni ki te Pākehā, tēnā i te wairua manaaki i ngā motika o te iwi Māori ki ngā manu me ngā ika. …e whakapono ana ngā tāngata Māori o reira ko te mahi a ngā kaihī ika Pākehā kei te tūkino i ngā tauranga ika o te Tai Tokerau.

E mōhio ana mātou kei hea ngā tauranga ika. E mōhio ana mātou āhea te wā tika kia haere ki te hī, e nui tonu ai he raneatanga tōtika o te ika, ake ake. Ina haere mai te Pākehā ka tūkinotia e ia ngā hua hou, ka ngaro te momo ika mō ngā rā kei te tū mai. … I raro i te Tiriti o Waitangi te tikanga ka tiakina ngā motika o te iwi Māori ki te whaiwhai manu, ki te hī ika, he motika e kore e taea te muku. I raro i te ture, ka meatia kia taurite ngā here i te Māori ki ō te Pākehā.

Ehara te Tiriti i te ture. …He maramara pepa noa iho.

[Northern Advocate 8 February 1960.]

 
Up.
 
  Akuhata 1960
First meeting of the Maori Education Foundation at Parliament Buildings, 1961. Jack Hunn, Secretary for Maori Affairs, is standing on left.

Jack Hunn

Image: 1/2-060086-F
© Image copyright conditions

Jack Hunn
KAIMAHI TARI KĀWANATANGA

He aha pū te kaupapa taketake o Aotearoa mō te iwi Māori, arā, mō ngā rā kei te tū mai? He uaua ki te hopu atu nā te mea, kore rawa i tātakutia kia mārama – ahakoa i raro i te ture, i raro rānei i ngā whakatau o te Poari mō ngā Take Māori. Ahakoa ka whakapaetia pea kei te hē tēnei, he mea āta whiriwhiri pea nā te hinengaro whai whakaaro. Kua mōhio pea aua hinengaro, kāore e kore ka whanake haere noa ngā āhuatanga o tētahi iwi, e kore e aro ake ki ngā kaupapa kua oti te whakarārangi mai i ngā ture.  Ka taea e ngā kaupapa here o te Kāwanatanga te whakahohoro, te whakapōrori rānei i ngā mahi whakatau tikanga a tētahi iwi i a anō, engari kāore e taea te aukati, te kaupare rānei kia rerekē te ahunga whakamua. Mā te whanaketanga e whakahaere ngā kaupapa here, e kore ngā kaupapa here e noho hei tuakana. Ka noho anō tēnei hei akoranga nui mā te Tonga o Āwherika ā tōna wā, mō āna kaupapa apartheid, e tāmia nei ōna iwi, kāore kē nei i te hiahia ki taua kaupapa.

He mārama tonu ko te whanaketanga kei te whakakotahi i te Māori rāua ko te Pākehā. Nā reira “ko te whakaurunga” te kaupapa e kīia nei te kaupapa whai mana, ina pātaia te pātai. Ki te āta whakaaroaro, ka kitea e whā ngā huarahi, ko ngā tikanga whakahanumi, ko te whakaurunga, ko te māwehe, me te noho tahi, he kupu ēnei e tohu ana i te:

Te tikanga whakahanumi: Kia whenumi, kia whakawaimehatia, kia whakakotahitia, me te ngaro rawa o ngā tikanga Māori.

Te whakaurunga: Kia whakakotahitia (engari kia kaua e honoa rawatia) ngā āhuatanga Māori me ō te Pākehā hei whenua kotahi, e kitea ai kei te noho motuhake te ahurea Māori.

Te māwehe: Te whakarite i tētahi kaupapa pohewa o te "apartheid." E hiahia ana tētahi wehenga o ngā tāngata o Aotearoa kia “whanake ōrite,” ko te tūturutanga atu pea o tēnei kaupapa ko te “apartheid” anō.

Te noho tahi: Kia noho tahi mai ētahi iwi rerekē, hei iwi motuhake, engari ka whiwhi hua te mea iti iho i te nohonga tata ki te hoa nui ake (te āhua nei he momo whakauru, māwehe anō tēnei i te wā kotahi).

…I roto i ngā rautau, i haere a Ingarangi i te whakaurunga ki te tikanga whakahanumi. He maha ngā tohu koianā pea te mutunga atu mō ngā iwi e rua o Aotearoa, ā ngā rā tawhiti kei mua i te aroaro. 

Nā, ko te whakaurunga, kāore nei he whakamārama i a ia i roto i te ture tētahi ia matua o ēnei wā, koia hoki te huarahi e whakapuakina nuitia ana mō ngā kaupapa here. I raro i te whakaurunga me ōna whakamārama i runga ake nei, ka haere tonu tētahi wāhi o te ahurea o te iwi Māori. He nui tonu hoki ngā taonga kua wehe kē atu, ko ngā wāhi papai anake (ērā e tika ana kia whakarauoratia) ka ora i mua i te taenga mai o ngā āhuatanga o te ao hou. Ko te reo, ngā toi me ngā mahi ā-ringa, tae atu ki ngā mahi o te marae, ngā manatunga matua. Mā te Māori anake e whakatau mehemea e tika ana kia whakarauoratia ēnei āhuatanga o te ao kōhatu, ā, i te mutunga atu, he whiringa takitahi mā rātou. Kei tēnā Māori, kei tēnā Māori te kupu whakautunga. Ki te kore tētahi tangata e kaha ki te kōrero i te reo, ki te haka, ki te poi rānei, ki te tū marae rānei, ka uaua iti ake te oranga tonutanga o ngā tikanga Māori i roto i ngā tau.

…Ka tūtaki te tangata i kō, i kō ki ētahi tāngata Māori e kino ana ki ngā ākinga i a rātou kia huri ki ngā tikanga Pākehā hei oranga mō rātou. Engari ehara tēnei i te noho ā-Pākehā, he noho kē i te ao hou. He pēnei anō ngā tāngata whai mātauranga katoa o te ao (inā koa ngā Hapanihi) – ehara i te tāngata mā anake – i ngā tōpito katoa o te ao. Otirā, he nui tonu ngā tāngata kirimā, i ngā wā katoa, kāore e eke ki te taumata e hiahiatia ana. Kia mārama rā anō te tangata ki tēnei āhua kātahi anō pea ngā Māori manawarau, manawapā rānei ka huri mai ki te tautoko.

[Jack Hunn, ‘Report on the Department of Māori Affairs’ (‘the Hunn Report’), 24 August 1960. AJHR, 1961, G-10, pp.14-16.]

 
  11 Oketopa 1960
Walter Nash. Photographer and date unidentified.

Walter Nash

Image: ATL 1/2-059930-F
© Image copyright conditions

Walter Nash
PIRIMIA

Kāore he tino rerekētanga o ngā ture mō te tangata Pākehā me te ture mō te Māori, hāunga ngā ture e whakapūmau ana i ngā whakaritenga motuhake hei tiaki i te Māori.

Kohiko ohorere: Kāore he ōritenga o te kirimā i Aotearoa?

Kāore te kirimā i te whakaparahakotia ina tiro whānui, kāore i āta whakaparahakotia, engari e whai kē ana te Kāwanatanga kia pai te whakahaere i ngā āhuatanga e pā ana ki te iwi Māori. I roto i tēnei whakatupuranga onanahi nei, e pēnei ana te Māori he nui kē atu āna mahi i ō te 95 tau o mua atu, ā, he taurite tō rātou pai ki te Pākehā. He pai tonu tēnei, engari kei pōhēhē rātou he pai ake rātou. ...Ka pērā te mahi a te Whakapuaki ina whakaputaina, arā, ka rite ki tāku i whakamārama ake nei. Ka āhei pea ia te pānui i te Rā o Waitangi he rā hararei. Ko taku tūmanako kia nui ake tōna mana i tēnei rā nui, i roto i ō tātou kura.

...e whakaarotia ana kia whakanuia te rā o Waitangi i te 6 o Pepuere…

He rā tapu tonu, ka tapu kē atu ina āta titiro tātou ki te noho tahi o te Māori rāua ko te Pākehā ki aua tau tuatahi, kia ruku anō kia puta te hōhonutanga o ngā tātai kōrero o mua. Ka pōuri pea ētahi o ngā kairangahau ka waimarie ki te ketuketu i ngā tuhinga onamata o Aotearoa, me te hītori o tō tātou noho tahi me te iwi Māori mō ētahi o ngā mahi i mahia, engari he mahi anō e koa ai, e whakahīhī ai. He koanga ngākau tēnei.

…Ki ahau he Pire pai tēnei…

Ka kōrero pono anō ia mō ngā mahi o te 6 Pepuere 1840. He autaia tonu te tuhi i te Pire o ngā āhuatanga i heipū ki tēnei whenua i roto i te 120 tau.

I roto i ēnei wā he nui ngā pōrarurarutanga me ngā uauatanga, engari kua tata ake tātou ināianei ki tētahi ritenga noho i waenganui i ngā iwi e rua kāore e kitea he painga ake i tētahi atu whenua o te ao...E whakahīhī ana mātou mō ā mātou mahi i tērā taha. Ki ahau nei he rā e tika ana kia whakamoemiti, ā, kia whakamoemiti anō tātou i tēnei rā, ia tau, ia tau.

[New Zealand Parliamentary Debates, Volume 325, p.2950 and p.3132. Debate concerned the Waitangi Day Bill, which allowed Waitangi Day to be declared a holiday but did not actually declare it to be a statutory public holiday.]

 
  Oketopa 1960
Iriaka Matiu Ratana (1905-1981).

Mrs Iriaka Ratana

Image: ATL
1/2-055126; F
© Image copyright conditions

Iriaka RĀtana
MEMA PĀREMATA MŌ TE TAI HAUĀURU

I kīia i ētahi wā kāore he tino take o te Tiriti o Waitangi, nā te mea kua oti te iwi Māori te whakahinga. Koirā pea te whakaaro i mua engari ināianei, mā wai e kī mai ki ahau, i rite te iwi o Ingarangi ki ērā atu iwi apu whenua o te ao, nāna i tango ngā whenua o ngā iwi taketake mō rātou anō. Ki ētahi, he pai kē atu kia kaua te Tiriti o Waitangi e whakamanaia hei wāhi o ngā pukapuka ture. E whakaae ana au pea ki ērā kōrero, i te mea e mōhio ana tātou ka taea ēnā ture te whakarerekē, ki te kore te Kāwanatanga e whakaae. Engari ki te whakanuia te Tiriti o Waitangi, arā, ki te whakaritea he rā motuhake mō te motu, ka ako tūturu te hunga rangatahi, āe, i mōhio anō te iwi Māori taketake o Aotearoa o taua wā, me te hunga nohonoho mai i Ūropi, ahakoa ō rātou mānukanuka, ki te whakatatū kirimana pēnei i tēnei.

E mōhio ana au i ētahi wā ka āhua pēnei ngā whakaaro o te tangata, kua wareware te wairua o Tiriti o Waitangi. Kāore anō kia rerekē te āhua i ēnei rā, e tika nei kia tiakina te ora o tō tātou iwi Māori... Kei te hoki aku whakaaro ki ngā tau ki muri i a au e kōhine tonu ana, ka haere mai ki konei me ō mātou kaumātua ki te whakatakoto pitihana mō te Tiriti o Waitangi.  …Anei aku kōrero ki a koutou: koirā te take i pōtitia ai ahau ki te Whare Pāremata, arā, ko te Tiriti o Waitangi. I whai au i ngā huihuinga maha o ō mātou pakeke – he nui tonu kua matemate ināianei – ā, i whakarongo hoki ki ā rātou kōrero maha i runga i ngā marae mō Te Tiriti o Waitangi, he tiriti i whakaponotia, i tino whai mana tūturu i raro i te ture e ai ki a rātou. Engari, i te hipanga o ngā tau, ka whakamanaia e ngā Kawanatanga tēnā ture, tēnā ture, kātahi taku iwi ka mōhio, ehara te tiriti nei i te toka tū moana, ehara i te whakaruruhau o ō rātou whakaaro.

…Ka whakatakotoria he pitihana [e tohe ana kia whakamanaia, kia whakapūmautia hoki te Tiriti o Waitangi] ki te Pāremata, neke atu i te 40,000 ngā tāngata Māori i haina, nō ngā iwi katoa o te motu. …Ko tāku tēnei ki a tātou, i whakapono anō te Māori puta noa i ngā tau ko te Tiriti o Waitangi he kawenata whai mana i waenganui i ngā rangatira me te Kuini o Ingarangi. Ki a au nei, ko te upoko II o te Tiriti te papa i paiakatia ai tō rātou whakapono. Ina pānuitia ngā rēkoata o te Whare Pāremata me ngā pitihana kua mauria mai ki tēnei Whare Pāremata e ngā rangatira me ngā kaumātua o ngā iwi maha, ka kitea ko te upoko tuarua te papa i noho hei taunga mō tō rātou whakapono ki te Whare Pāremata me ngā mahi kāwana a Ingarangi.

…I roto i ngā tau i ākona te iwi Māori kia whakapono he kawenata whai mana ā-ture te tiriti, heoi anō nō te whakaurunga mai o ētahi ture ka mārama… he maramara pepa noa iho te tiriti, engari ko te Pire kei mua i a tātou i tēnei wā, hei waitohu i te whakapono o te iwi Māori ki te Kuini Mananui o tēnei wā. … I ēnei rā ka tū mārika au ki mua i tōku iwi, ahakoa ki hea, ki te whakapuaki i aku whakaaro ki a rātou he maramara pepa noa iho te tiriti, kāore ōna take.

[New Zealand Parliamentary Debates, Volume 325, pp.2964-2965. Debate concerned the Waitangi Day Bill, which allowed Waitangi Day to be declared a holiday but did not actually declare it to be a statutory public holiday.]

 
  12 Oketopa 1960
Eruera Tihema Te Aika Titkatene.

Eruera Tirikatene

Image: ATL PAColl-6388-26
© Image copyright conditions

Eruera Tirikātene
RANGATIRA O NGĀI TAHU, MEMA PĀREMATA MŌ TE TAI TONGA, MINITA MŌ NGĀ NGAHERE

E tū ana au i runga i te ngākau whakamoemiti mō tēnei Pire mō te Rā o Waitangi, e whakamaumaharatia ai te hainatanga o te Tiriti o Waitangi 120 tau ki muri. … i roto i ngā whakatupuranga kua noho ko tēnei pukapuka tētahi taonga nui whakaharahara, ki te whakaaro Māori rā. …ahakoa i ngā rā tuatahi o te whenua hou, i tino kaha rawa te iwi Māori ki te whakawhirinaki ki tēnei pukapuka, i kīia rā e ngā Pākehā “kāore tōna wāriu i eke rawa ki tō te pepa i tuhia ai ia.” … Kia tū au hei māngai mō ngā kaumātua rangatira kua ngaro atu ki tua o te ārai, i pēnei ai ā rātou kupu whakamutunga “Ko te Tiriti o Waitangi, taku turangawaewae – “the Treaty of Waitangi, my foothold” – tēnei au te tū ake nei i roto i tēnei whare ki te kawe i te takohanga mō te tautoko i tēnei Pire mō te Rā o Waitangi.

…E pā ana [te Tiriti nei] ki ngā motika me ngā painga ka whakawhiwhia ki te iwi Māori hei tāngata whai mana o Ingarangi. I ahu mai ō tātou motika me ā tātou painga hei tāngata whai mana o Ingarangi? I takea mai i te Magna C[h]arta. Waihoki te Tiriti o Waitangi, nāna i whakawhiwhi ētahi motika ki te iwi Māori, te tangata whenua o tēnei whenua, hei tāngata whai mana o Ingarangi. …Ko taku kaupapa i taua wā, ināianei hoki, he tū ki te whawhai mō ngā motika me ngā pānga o te iwi Māori i raro i te Tiriti o Waitangi. Mai i taku taenga mai ki te Whare i te tau 1932, ki tēnei rā, he tino tangata harikoa ahau, i te mea nāku tētahi wāhi o ngā mahi whakatikatika i ēnei hara. … Mai i taku urunga mai ki tēnei whare kāore i whakarehutia taku titiro ki te Tiriti o Waitangi.

[New Zealand Parliamentary Debates, Volume 325, pp.2968-2970. Debate concerned the Waitangi Day Bill, which allowed Waitangi Day to be declared a holiday but did not actually declare it to be a statutory public holiday.]

 
  5 Pēpuere 1963
Nau Paraone Kawiti Puriri (1924-1979), NZ Herald.

Nau Paraone Kawiti Puriri

Image: NZ Herald
© Image copyright conditions

Nau Parāone Kawiti Puriri
NGĀTI KAHU, NGĀTI HINE, ME NGĀ PUHI, HE TANGATA WHAI MANA, KAIMAHI TOKO I TE ORA

Me ka tauwehe a Aotearoa i te Karauna o Ingarangi i runga i ngā pororarutanga o te  EEC [European Economic Community, ko te rōpū tēnei o mua atu i te European Community] kāore pea e haumaru mō te Pākehā kia noho mai ki Aotearoa. …Kāore te iwi Māori i poko i te pakanga, ā, ka hangaia te Tiriti o Waitangi i waenganui i a rātou me te Kuini. Ko tō rātou piringa tuatahi, he piripono ki te Karauna, kāpā ia te Kāwanatanga o Aotearoa. Koia tēnā te take i oreore katoa mai ai te iwi Māori, mai i te Rerenga Wairua ki Rakiura, kia haere mai ki te whakahōnore i te Kuini me te Tiriti.  Nui atu te mana o te Tiriti ki a rātou i ngā Pākehā, ahakoa ko wai te Pākehā. 

[Northern Advocate, 6 February 1963, reporting on a late night hui (meeting) at Waitangi before the Queen’s visit there on 6 February 1963, and rumours that a petition was to be presented to the Queen by Māori calling for ratification of the Treaty; rumours that were rejected by Mr Puriri.]

 
  Pēpuere 1963
From left: Prime Minister John Bolger, Queen Elizabeth II, the Maori Queen Te Atairangikaahu, and Minister in Charge of Treaty Negotiations, Doug Graham.

Queen Elizabeth II

Image: ATL EP/1995/4375B-33a
© Image copyright conditions

Kuini IrihĀpeti II

Ko te mea nui rawa atu i tēnei wā, i roto i ngā tau o te hītori o te ao, kia maumahara tonu tātou, mai i te hainatanga o Te Tiriti o Waitangi kia tika, kia tapatahi te tohatoha painga i te noho tahi me te iwi Māori i runga i te whenua nei. I ahu mai tēnei hiahia i te ngākau rangatira o ngā Pākehā tuatahi kia noho mai ki konei, ā, kāore he tauira i tua atu i tēnei ao e tīhaehaetia nei e te mataku me te titiro kōtaha.

… Ko te hua tonu ka puta i tēnei karahipi [tohu paerua o Kuini Irihāpeti] tērā pea ka hiahia ngā rangatahi o Aotearoa kia whāia te ara o te uiuinga pūmātauranga me te rangahau, engari ka hōhonu kē atu te tikanga. Ka tū tonu te karahipi hei tohu mō te tauritetanga o ngā motika me te whāinga wāhi, e noho nei ēnei hei kahupapa taketake mō te noho o te tangata i Aotearoa.

… Ki aku whakaaro, mā roto i tēnei āhuatanga pai [e heipū ana tēnei haerenga mai āna ki te rau tau 123 o te hainatanga o te te Tiriti o Waitangi me te rautau 11 o tōna pōtaetanga hei Kuini o Aotearoa] ka pipiri te noho tahi, i raro anō i te wairua i whakatūria ai tēnei whenua, i taua rā nui i te tau 1840.  …Otirā i tae mai te kōrero ki a au, ko te hiahia o te iwi Māori kia tukua mai tētahi koha ki ahau i konei hei whakamaumaharatanga mō tēnei rā me tēnei haerenga mai. I puta ngā kī taurangi a te Kuini ki ngā rangatira o te iwi Māori i tēnei papa tapu, i tā rātou tukunga i te mana matua ki te Karauna.

I tēnei rā i mua i a koutou katoa, kei te hiahia au ki te whakahou i aua kī taurangi, me te whakatūturu i aua kupu i mua i taku iwi Māori, kia mōhio ai rātou ko aua kawenata i tīmataria rā i Waitangi i hōhonu kē atu i ngā kupu ā-ture noa iho o tētahi pukapuka noa iho.

Ahakoa he aha ngā āhuatanga o mua, ahakoa pēhea ngā āhuatanga kei mua i te aroaro, ka noho tonu tēnei hei pīkauranga tapu mā te Karauna i ēnei rā, rite tonu ki te tau 1840, kia tū tonu ia ki te hāpai i te wairua o te Tiriti, kia kore rawa hoki e takahia te whakapono o te iwi Māori ki raro. 

… Ka haere whakamua te Pākehā me te Māori i runga i te whakaaro kotahi, kia noho ai a Aotearoa he whenua hou, he whenua ōhanga pakari, me te whakaahua hoki i te noho tahi me te ngākau pai ki ngā āhuatanga me ngā tikanga rerekē o tētahi, o tētahi.

… I muri i te hainatanga, me te tirohanga ki te hainatanga i te tiriti i taua rā rongonui ki te ao katoa i te marama o Pēpuere, ka puta i a Kāpene Hopihona ēnei kupu whakaohooho, kupu whakaari hoki: “He iwi kotahi tatou – We are all one people.”

… Aroha-nui. Kia ora koutou

[Northern Advocate, 6 and 7 February 1963, reporting the Queen’s speech during her visit to Waitangi, and Sir Turi’s offer, on behalf of Māori, to the Queen of an annual post-graduate fellowship in her name for Maori and Pakeha graduates (on an alternate basis).]

 
  Pēpuere 1963
Alfred Thomas (Turi) Carroll, founding president of the New Zealand Maori Council.

Turi Carroll

Image: ATL 1/2-040109
© Image copyright conditions

TĀ Turi Carroll
RANGATIRA O NGĀTI KAHUNGUNU

Ka tū a Tā Turi Carroll ki te inoi ki te Kuini kia rapu mōhiotanga, kia rapu māramatanga hoki ia ki ngā hiahia o te iwi Māori kia ungaunga tonu kia whakatinanatia te Tiriti o Waitangi i roto i ngā ture o tō rātou whenua. E kore pea e kitea he tikanga whakanui i te rā e pai kē atu i tēnei, arā, i te whakanui i a ia hei hararei mō te motu katoa.

… Me tāpiri ki tō mātou ngākau koa, arā, tō te iwi Māori i te rā nui i Waitangi, ko tō mātou hari ki te noho tahi me koe mō tēnei rā nui.. Kia kite anō mātou i a koe ka hoki anō ngā whakaaro ki te hōhonutanga o te kawenata i whakaaetia noatia kia hainatia i tēnei wāhi tonu, e te kanohi o Kuini Wikitōria, tō tipuna wahine tuatoru, me te tini o ngā tīpuna o te tini e nohonoho ake nei.

Ka tuku atu mātou i tēnei rā … te hiahia kia whakahoutia te wairua o taua kawenata, ka mutu ko te mea nui rawa atu, ka tāpae i tō mātou piripono ki te Karauna ki mua i a koe. Kei te whakapuaki au i ngā hiahia me ngā whakaaro o tōu iwi Māori, me te akiaki anō kia maumahara te tangata, ko te Tiriti te pou herenga o te pātahitanga o te iwi Māori me te iwi Pākehā, mai rā anō.

Arā anō ētahi kua puta ā rātou kupu whakakāhore i te Tiriti o Waitangi, i runga i ngā whakaritenga me ngā hanga pakupaku o te ture. Kia kī ake au, he mea iti noa iho ngā hanga pakupaku o te ture, ina whakaritea ki te whakapono hōhonu o tō iwi Māori ki te Tiriti, hei taonga whakangungu i ō mātou motika, hei whakaahuatanga o tō tātou noho hei tāngata ōrite mō Aotearoa nei.

[Northern Advocate, 7 February 1963, reporting the Queen’s visit to Waitangi and Sir Turi Carroll’s speech on behalf of Maori.]

 
  1966
William Ball Sutch, circa 1947. Photographer unidentified.

William Sutch

Image: ATL PAColl-6001-28
© Image copyright conditions

William Sutch
TAKAWAENGA, KAIMAHI KĀWANATANGA, KAITĀTARI KAUPAPA HERE PĀPORI

Nō te tukunga o te mana taketake ā-ture ki Aotearoa, ko te nuinga o te hunga o Aotearoa he Māori, engari he Māori whai whakaritenga hou, he tikanga hou mō te ngaki kai, me te whai wāhi katoa ki ngā ture ōhanga o te whenua. He tika ianā te kī, i harirū a Kāwana Hopihona ki ngā rangatira i Waitangi, me te kī “He iwi tahi tātou!”

I oatitia e Te Tiriti o Waitangi ki ngā rangatira “ngā motika me ngā painga o te tangata o Ingarangi” ā, nā Te Tiriti hoki i whakapūmau ki a rātou ō rātou whenua. Engari he rerekē te kōrero a ngā rōia. “Heoi anō te tikanga e mau ai ngā motika whai mana ki tētahi whenua a tētahi rangatira, me hoko rawa e ia ki te Karauna, ka hoko mai anō; mehemea kāore ia i koa ki te utu i whakaritea ai e te Karauna, kāore ia i āhei te hoko i te whenua ki tētahi tangata kē, ā, kia ara ake tētahi atu take whenua tautohe ki te Karauna mō te hoko, kore rawa tētahi kōti e whakarongo ki taua kerēme nā tētahi Māori." “Kore rawa e pai mā te Kāwanatanga e whāki tētahi o ōna hapa ki tētahi Māori," te kī a te hēkeretari kairīwhi mō ngā take Māori, i te tau 1860.

Nā ngā rōia hoki “i whakatau kāhore ngā motika me ngā painga o te tangata o Ingarangi i pā atu ki te mana pupuri i ō rātou whenua, waihoki, i muri i te tukunga o te mana whakahaere i a ia anō ki Aotearoa, ki te motika pōti mō te Māori. Otiia, i whakatau rātou ko ngā painga katoa o ngā ture noa o Ingarangi, hāunga ngā ture e pā ana ki te whenua, ka pā katoa ki ngā rangatira o Ingarangi. Ko te mate rā hoki, ehara tēnei i te hua i wawatatia e ngā kaituhi i ngā tohutohu ki a Hopihana. Ko tō rātou whakaaro ia, kia whakaaetia he mana ā-ture mō ngā tikanga Māori, i ngā wāhi e nohoia nuitia ana e te Māori. Ko ngā tohutohu a te Marquis of Normanby mō tēnei kaupapa, i whakahokia e  Lord John Russell, ā, ka whakaurua he rārangi pērā ki te kaupapa ā-ture o te tau 1852, hei whakatinana i aua āhuatanga, engari kīhai i pānuitia he rohe Māori i roto i ngā tau, i raro i te ture o Ingarangi.”

…I ēnei rā, i te Māori e noho nei hei wehenga kua oti katoa te tuitui mai ki roto i te iwi nui tonu, ka meatia ko te Tiriti o Waitangi he kawenata tapu i waenganui i ngā iwi e rua. I te rua tekau tau mai i te tau kotahi mano e waru rau e rima tekau, ka whakatauria e ngā rōia-matua me ngā tiati ehara noa iho i te tiriti, engari he ‘tino korenga.” Kāore pea he kōrero i tua atu. Ka mārama i roto i te ngākau.

[William Sutch, The Quest for Security in New Zealand 1840–1966, 1966, pp.38-39.]

 
  8 Pēpuere 1968
Prefects of Wesley College, Paerata, circa 1940s. >From left to right: Koro Dewes, Wati Tahere, Lawrence Treblico, Tom Finau, Russell Cates and Wally Davis. Photographer unidentified.

Ko Koro Dewes (i te taha mauī). Ko ngā piriwheke o Wesley College, i Paerata, i te takiwā o ngā tau 1940-1950.

Image: ATLPAColl-6303-20
© Image copyright conditions

Koro Dewes
RANGATIRA O NGĀTI POROU, KAIAKO WHARE WĀNANGA

He hōhā tonu te whai i ngā tini kōrero noa o ngā hītori, nā reira i ouou ai te tokomaha o ngā tāngata o Aotearoa i mōhio ki ngā hītori o mua atu, o te wā hoki o te hainatanga o te Tiriti o Waitangi i te 6 o Pēpuere 1840, mō ngā waiaro rānei o te Māori rāua ko te Pākehā mai i ērā wā tuatahi.

…Ki taku titiro mehemea kāore he Tiriti o Waitangi, kua huri a Aotearoa hei koroni mō Ingarangi, he take anō i pēnei ai taku titiro. Tētahi take nui ko ngā tohutohu ki a Hopihona me ana mahi i muri mai, me te whakaaetanga o aua mahi e te Kāwanatanga o Ingarangi.  I tua atu i tērā, kāore he mana o te Tiriti i ngā ture o te ao, o Aotearoa rānei, ā, kāore anō kia whakamanaia i raro i te ture. Arā, nā te mea kāore he ‘kāwanatanga’, he ‘mana matua’ rānei ō ngā rangatira nāna i haina i Waitangi, kia hāngai ki ngā whakaritenga tōrangapū o ngā whenua o te hauāuru o te ao, kāore he mana hanga tiriti ki tētahi atu whenua nui te mātauranga. …

Ka taea te whakarāpopoto i te Tiriti o Waitangi: Kāore tōna wāriu i eke rawa ki tō te pepa i tuhia ai ia, tā te mea kua puta ngā kupu a ngā Pākehā nui tonu, a ngā kōti me ngā Kāwanatanga maha kore rawa he motika, he mea rānei i whakaritea, he herenga rānei i whakatakotoria e te Tiriti.

Mehemea e pērā ana, ko ētahi o ngā hītori o Aotearoa me whakahou, arā, me āta tuhi mārire anō kia mōhiotia ai he aha te mahi a Te Hopihona mai i te tīmatanga, arā, he tango i Aotearoa. Ko te tikanga i haere ai ngā kōrero tahitanga ki ngā rangatira Māori he mahi hei whakamārie i a rātou me ngā rōpū manaaki tangata i Ingarangi me Aotearoa. Kātahi ka whakapūmautia a Aotearoa hei koroni, nā te ringa kaha i raupatu, i ngā pakanga a te Pākehā ki te Māori i ngā tau 1840, te 50 me te 60 o tērā rautau.

He pēhea ngā waiaro Pākehā ki te Tiriti? Ki aku whakaaro, mai i te tau 1840 ki nāianei kua noho tonu iho i roto i Aotearoa he momo wairua emepaea kei waenganui i te iwi Pākehā, me te whakapono ko ngā āhuatanga Pākehā, ahakoa ko ngā tikanga pāpori, ko te ahurea, ko te reo rānei, ēnei katoa he pai kē atu i ō ngā iwi kāore e kōrero ana i te reo Pākehā, kāore rānei e whai ana i te ahurea o te iwi Pākehā. Nā reira kia tae mai ki ēnei tau tata nei, ko ngā kaupapa here o ngā Kāwana me ngā Kāwana-tianara he kaupapa whakapākehā i te Māori i runga i te hohoro. Ki te whakaarotia te maha o ngā raruraru o tēnei rau tau ka hipa ake nei ka mōhiotia he hanga noa te Tiriti ki te iwi Pākehā, he taputapu noa hei whakamana i tana pānuitanga i te mana matua ki ēnei moutere, hei hanga i tētahi moka noa iho o te Emepaea o Ingarangi.

Tētahi atu wāhi rerekē. I noho noa iho te Tiriti mō te kotahi rau tau, neke atu, kāore i āta tiakina e te iwi Pākehā, ka tauria e te hōpuruhuru, ka katikatihia e te kiore. Kāore i whakaarahia, i whakahoutia rānei, i whakaaria rānei hei Pukapuka Rongonui o Te Motu, hei taonga āhuatanga nui, hei wāhi pūmau o te mōhiotanga, mehemea he 'whenua motuhake' tātou, me mātua whai 'hītori', kaua e waiho anake hei hītori 'nō Ūropi’, engari he hītori nō ngā iwi e rua.  

… He pēhea ngā waiaro Māori ki te Tiriti? Mai i tērā hui rongonui i te Pēwhairangi, i whakapono anō te Māori (kei te whakapono tonu) ko te Tiriti o Waitangi he kawenata tapu tonu i waenganui i a rātou me te Kuini o Ingarangi. Koia rātou i hiahia ai ki te haere tika atu ki te kuini, koia hoki i whakapono ai he mana nui kē atu tō te tiriti i ngā ture katoa, ahakoa he aha, i whakamanaia e te Pāremata o te Kuini Mananui. I whakapono rātou ka āhei rātou te whakawhirinaki atu ki te tiriti (i taua wā, ināianei hoki) ina mōhio rātou i te tangohia ō rātou whenua, i te takahia ō rātou pānga, me ō rātou motika. …Engari ko ngā iwi Māori i tino tūkinotia i roto i ngā pakanga, me ngā murunga raupatu take kore kāore e rite rawa te aroha me te piripono ki te Tiriti ki ētahi atu.. Ka taea tēnei te whakahē? 

Kei te piki haere tonu te mana o te rā o Waitangi, hei rā whakanui mō te motu katoa, ki te titiro a te iwi Pākehā, ā, kei te whakatinana haeretia tēnei e ngā mahi a te Pākehā. … Mā wai e whakahē te kōrero kei te kimi haere te maha o ngā Pākehā i tētahi mea hei whakaahua i ō rātou whakaaro whakapiri ki tō rātou whenua, nā reira i noho ai Te Tiriti o Waitangi hei tohu mō tō tātou noho ā-whenua motuhake. Mehemea kei te noho tēnei hei tohu whai tikanga tūturu, kaua hei moemoeā takekore noa, anei ētahi o ngā mahi e tika ana kia mahia, - e te iwi e mōhiotia ana ko rātou te nuinga, ko rātou te mana whakaae, whakakāhore hoki i ngā mahi, arā e te Pākehā.  

…Kia mārama tonu tātou he whenua takitini tō tātou, he whenua he nui ōna iwi, nā reira i raro i te ture, i te mātauranga, i te taha toko i te ora, me whakarite pea he painga motuhake mō ō tātou wehenga ā-iwi kāore kē nei e kōrero Pākehā, ahakoa kirimā, ahakoa kiri parauri.  

Me ka whakaae tātou he ahunga whakamua te reo-rua, te mōhio hoki ki ngā ao e rua, me whakaae tātou he mea pai kia ākona te reo Māori i te tini o ngā kura e taea ai. … E tika ana kia kaha kē atu te whakatairanga i te reo Māori i roto i te whanaketanga o Aotearoa e ngā kaituhi kōrero onamata me ngā kaiako. 

Tērā te kōrero a tō tātou Kāwana tuatahi, i kī ake rā: “He iwi kotahi tātou” – We are a nation. He rite tonu te kōrero a tō tātou Kāwana-tianara, e rua Kāwana ki muri, i kī: “Me āta whakapau kaha te Māori me te Pākehā kia whakawhanaunga tētahi ki tētahi.” Kua tae ki te wā hei whakatinana i aua kupu. 

[Koro Dewes, Comment, Number 35, June 1968, pp.12-14. The article was taken from an earlier talk to the New Zealand Founders’ Society on 8 February 1968.]

 
Up.
 
  14 Hūrae 1971
Matiu Rata, circa 1970s.  Taken by Evening Post staff photographer.

Matiu Rata

Image: 1/4-021374-F
© Image copyright conditions

Matiu Rata
RANGATIRA O NGĀTI KURĪ, MEMA PĀREMATA MŌ TE TAI TOKERAU (MINITA MŌ NGĀ TAKE MĀORI Ā TŌNA WĀ)

[Ki te Minita mō te Ture, a Daniel Riddiford] He aha te ahunga whakamua o te mātainga a te Kāwanatanga i te Tiriti o Waitangi, me ngā hua ka ara ake i te whakapūmau i ōna mātāpono…?

 
  14 Hūrae 1971
Daniel Johnston Riddiford, circa July 1960. Photographer: Earle Andrew.

Daniel Riddiford

Image: ATL PAColl-7795-94
© Image copyright conditions

 

Daniel Riddiford
MINITA MŌ NGĀ TURE

[E whakautu ana ki te pātai a Matiu Rata; tirohia i runga ake nei] Kei te āta tirotiro tonu te Kāwanatanga mehemea ka puta ake tētahi hua i te whakatinana i te katoa, i ētahi rānei o ngā whakaritenga o te Tiriti o Waitangi i roto i ngā Ture. Kāore pea he painga, ki taku titiro, ā, ka nui hoki te whakahē a ētahi ki te pērātia. Ko te kupu whakahē nui pea e kī ana, ka heke te wairua o te Tiriti mā te whakakotahi i te Tiriti o Waitangi ki roto i ngā ture o te whare Pāremata, kia kotahi ture i roto i te maha, he ture katoa ēnei e taea te whakarerekē, te menamena. …Mō te upoko tuarua [o te Tiriti o Waitangi] e whakaae ana te kāwanatanga, mai rā anō, he mana anō tō te tiriti e āki ana i te ngākau kia tika ngā mahi me ngā whakahaere. E tika ana pea kia ārohi te Pāremata i ngā kerēme takitahi, kia kitea ai ko ēhea ngā ture o nāianei kāore e hāngai ana ki te Tiriti.

[New Zealand Parliamentary Debates, Volume 373, p.1803.]

 
  19 Akuhata 1971
Daniel Johnston Riddiford, circa July 1960. Photographer: Earle Andrew.

Daniel Riddiford

Image: ATL PAColl-7795-94
© Image copyright conditions

Daniel Riddiford
MINITA MŌ NGĀ TURE

[E whakautu ana i te kohiko ohorere, i roto i ngā Patapatai o te Ahiahi, mai i a Tā Leslie Munro. “E tika ana ianei te kōrero, ki te hiahia tētahi ki te whakapūmau i tētahi Tiriti me mātua whakaae te tangata he tiriti taua pukapuka, ā, ki te titiro o te nuinga o ngā rōia ā-ture taketake ehara te Tiriti o Waitangi i te Tiriti, ina whakaritea ki ngā tiriti o te ao?”]

Ko te whakautu ki tērā, āe, ki te titiro o te nuinga o ngā rōia, engari he take kei te haere tonu ōna tautohe. Mō te Tiriti o Waitangi ko te upoko kei te tohea nuitia ko te upoko 2 mō te rironga o te whenua, engari kua whakakapia katoatia tērā i te whakatūranga o te Kōti Whenua Māori hei mana hou.  Me i whakamanaia te Tiriti o Waitangi, mehemea ka taea, ka taupatupatu ērā wāhanga o te ture nāna i whakatū te Kōti Whenua Māori, arā, ōna tukanga, ki ngā whakaritenga i raro i te upoko tuarua. Kāore kau he tino whakahē ki ngā upoko o te upoko tuatahi me te upoko tuarua. …Kia hoki anō au ki taku kōrero, kāore e taea e au te kauwhau tikanga mō ngā whakamārama tika o ngā ture o ngā whenua o te ao, e pā ana ki te Tiriti o Waitangi.  Kia oti taua kaupapa kua 5.30 i te ahiahi.

[New Zealand Parliamentary Debates, Volume 373, pp. 2490-2491.]

 
  Pēpuere 1972
Sir Apirana Ngata, and his son Henare Kohere Ngata, at their Victoria University graduation ceremony, May 1948.

Henare Ngata

Image: ATL PAColl-6388-14
© Image copyright conditions

Henare Ngata
TAMA A TĀ APIRANA NGATA

He nui anō ngā kōrero mō te Tiriti o Waitangi i roto i te tau ka hipa ake nei, he nui tonu aua kōrero i ahu mai i ētahi taitamariki Māori nui te akoranga, kakama ki te kōrero, ngākau whakatakariri hoki, e āki ana, i runga i tō rātou hīkaka ki te whakapuaki i ngā hē mō te iwi Māori, – e ai ki ā rātou kōrero – kia whakapūmautia te Tiriti o Waitangi i raro i te Ture. Ahakoa i ētahi wā e āhua tauhou ana ngā mahi a ēnei tamariki ki ō rātou kaumātua, kāore hoki i te mārama ngā kōrero ki a rātou, kei te whakaae tonu au nā Tamatoa i ara ake ai tētahi whakaaro mō te Tiriti, ā, kua oho mai te hiahia i roto i ngā iwi e rua kia whakatinanatia ōna kī taurangi, kia tutuki hoki ōna kawenga.

Ko taku kaupapa ko te Tiriti o Waitangi me te Whenua, me te āta titiro ki ngā ture o ēnei tau, me ngā ture e mana ana ināianei e pā ana ki te whenua Māori. Mō te iwi Māori, ko te Upoko Tuarua te wāhanga i tino nui ai te tūmanako, te ngākau kore, te whakahāwea me ngā kupu ātete, i roto i tēnei kotahi rau rima tekau tau.

…I roto i tana kauwhau i te rā o Waitangi i tērā tau, ka tīkina e te Kāwana-Tianara ki ngā hokonga nunui i te whenua o tērā rautau, me te kī anō koia te takenga mai o ngā pakanga o tērā rautau, koirā hoki te take o ngā mauāhara a te Māori, e mau tonu nei ināianei. I āhua rite anō te ngākau tūpato i kitea i waenganui i ngā rangatira i ākina kia haina i te Tiriti 132 tau ki muri. Ka tū ake a Rewa, tētahi rangatira o te Tai Tokerau ki te akiaki kia kaua ngā rangatira o reira e haina, me te whakatūpato i a rātou kei tangohia tō rātou mana, kei whakaponongatia. Ka puta hoki ngā kōrero a Wai, tētahi atu o ngā rangatira i whakahē nei i te Tiriti me tana kī, kāore i pai te mutunga atu mō te Māori i roto i ā rātou mahi ki te Pākehā.

…I puta i a au ngā kupu o te Upoko II i te tīmatanga o tēnei kauwhau, ā, kei tēnei Upoko tonu – otirā te wāhanga tuatahi tonu – ngā tūmanako o ērā e wawata ana kia whakapūmautia te Tiriti. Engari e kore ngā kaihāpai i ēnei kaupapa whakapūmau i te Tiriti, ahakoa pēhea te ngākau hihiri, e whakahau kia huri tētahi o ngā rōpū tōrangapū ki te whakamana whakamuri i te Tiriti, me te whakahoki o ngā whenua i raupatutia.

…Kua kaha rawa pea aku kōrero mō te Upoko Tuarua o Te Tiriti, kua mahue pea ngā Upoko Tuatahi, Tuatoru ki tahaki, nā te mea ko taku kaupapa kē ko te Tiriti o Waitangi me te whenua, me ngā tini āhuatanga o ngā ture whenua Māori o tēnei wā. Ahakoa rā, e tika ana kia mārama ērā e rapu ana i te whakapūmautanga o te Tiriti me whakamana te katoa: āe, he motika, he painga kei reira engari he here anō ōna.

Kua hāngai anō taku kōrero ki runga ki ngā hapanga o te Tiriti. Kāore pea e hē kia tirohia ngā painga kei ngā ringaringa e mau ana, ahakoa he mahi tuku iho nā rātou mā, nā reira, hei kupu whakamutunga me tiki au ki ētahi o ngā kupu a taku pāpā. Ko te hui nei he hui whakamaumaharatanga ki ngā hōia i mate atu rā i te Pakanga Tuatahi me te Pakanga Tuarua, takiwā o Whāngārā, tata ki Tūranga:

…he rangi waimarie mō te iwi Māori te rā i whakaae ai ki te mana matua o Ingarangi ki konei. Nā tērā mahi ka whakatakotoria he pūtake e noho ai te Māori hei mema o te Tōpūtanga o ngā Whenua Whai Whanaungatanga ki Ingarangi, ā, i whiwhi motika kāore rawa e hua mai i tētahi kairaupatu whenua, ahakoa pēhea te whakariaka. Ā, i taua wā anō ka takoto te pīkauranga mā te iwi Māori māna hei kawe, rite tonu ki ērā atu mema o te Tōpūtanga o ngā Whenua Motuhake o Ingarangi. Ka tukua e rātou ō rātou toto, ō rātou tinana hoki hei whakatutuki i aua kawenga nui.

[The Treaty of Waitangi: Its Origins and Significance, Victoria University of Wellington, 1972.]

 
  Pēpuere 1973
Norman Kirk,1971. Photographer: Morrie Hill.

Norman Kirk

Image:
ATL 35mm-18291-21-F
© Image copyright conditions

 

Norman Kirk
PIRIMIA

Te tikanga kia kaua e kīia ko te rā o Waitangi he rā Māori, he rā mō te Tai Tokerau anake rānei. Me noho anō hei rā mō te motu katoa. …atu i tēnei tau, ko te 6 Pēpuere ka āta whakatairangatia hei rā mō ngā tāngata katoa o Aotearoa, ā, ka noho anō ōna āhuatanga e tika ana, hei tohu mō te hōhonutanga o te Tiriti mō ngā tāngata katoa o Aotearoa.

I tēnei pō ka whakanuia e tātou tēnei koha nui, o te homaitanga o te whāinga wāhi ki Aotearoa e ngā tāngata katoa i tū i tēnei wāhi 133 tau ki muri.

[New Zealand Herald, 7 February 1973, when Prime Minister Kirk announced, during the evening celebrations held the previous night, the government’s policy to make Waitangi Day a public holiday. It was also the occasion on which he was photographed crossing the Treaty grounds hand in hand with a young Maori boy, in what became an enduring image of his Prime Ministership.]

 
  6 Pēpuere 1973
Matiu Rata, circa 1970s.  Taken by Evening Post staff photographer.

Matiu Rata

Image: 1/4-021374-F
© Image copyright conditions

Matiu Rata
RANGATIRA O NGĀTI KURĪ, MINITA MŌ NGĀ TAKE MĀORI

…i te pahuretanga o ngā tau kua riro mā tēnā tangata, mā tēnā tangata te Tiriti e whakamārama, i runga anō i tōna mōhio ki taua kawenata. Ko te pānga o te Tiriti ki ngā tāngata takitahi o Aotearoa he uaua ki te tātai, engari he awe nui anō tōna ki runga i a rātou, he pai ki te kite atu.

Ahakoa he mea tino pai te whakapuaki ka noho ko te 6 o Pēpuere ia tau hei rā mō te motu, arā, e mihi ai te ngākau o te tangata, kua tae noa mai te wā kia whiria me pēhea e whakatinanatia ai ngā mātāpono o te Tiriti i raro i te Ture. … i te rapurapu te Kāwanatanga i te tino huarahi pai hei whakatinana i tēnei wawata.

…ko te hainatanga i te Tiriti o Waitangi te tino mahi i poua mai ai tētahi kahupapa mō Aotearoa kia tupu hei whenua he maha ōna iwi. Mehemea ka piki anō te whenua nei ki tōna tino teitei, kāore rawa e pai kia tupu mai anō ngā āwangawanga, te waiho rānei i ngā puare pai i te huarahi kia kore e tomokia, i te mea, ka āhei te whakahōnore i te kawenata i whakaaetia rā, i ngā rā o nehe. 

He take matua te Tiriti mō te riri a ētahi i roto i ngā tau, engari ki a au, ka taea te huri kōwaro hei pūtake mō te harikoa.

[New Zealand Herald, 7 Pēpuere 1973.]

 
Up.
 
  14 Māehe 1973
Robert Muldoon (later Sir) in Parliament, Wellington, July 1975.

Robert Muldoon

Image: ATL EP/1975/2880-F
© Image copyright conditions

Robert Muldoon
MEMA PĀREMATA MŌ TĀMAKI (PIRIMIA Ā TŌNA WĀ )

He āhua rerekē te Rārangi Whakamutunga o te Pire ki a au; i te mea kei roto ngā kupu o te Tiriti – i te reo Pākehā, kāore i roto i te reo Māori... E kite ake ana au kei roto i ngā kaupapa here o te Rōpū Reipa ka wherawhera te Kāwanatanga Reipa i ētahi huarahi e taea ai ngā mātāpono e rārangi ana i roto i te Tiriti te whakamana, i raro i te Ture. …Ko te whakatinanatanga tēnei pire i te kī taurangi kia whakamanaia ngā mātāpono o Te Tiriti o Waitangi i roto i te Ture? Mehemea kāore, he aha i whakaurua ai ki reira?

[New Zealand Parliamentary Debates, Volume 382, pp.794-795. Debate concerned the New Zealand Day Bill, which renamed Waitangi Day as New Zealand Day and declared it to be a statutory public holiday.]

 
  14 Māehe 1973
Henry Leonard James May 1974, probably in Wellington.

Henry May

Image: 1/4-021509-F
© Image copyright conditions

Henry May
MINITA MŌ TE TARI TAIWHENUA

[E whakautu ana i te pātai a Robert Muldoon, tirohia ki runga ake nei] I tēnei wā kāore he tātakutanga i te Tiriti o Waitangi i roto i tētahi ture, ahakoa i te reo Pākehā, i te reo Māori. …ahakoa e rārangi mai ana te Tiriti i te Rārangi Tuarua, kāore ōna mana tōrangapū i tēnei wā. Ahakoa tērā, kua puta te karanga a ētahi kia whakaurua tēnei Tiriti mana nui ki ō tātou ture, ā, ki a mātou, i a mātou e whakatū ana i tētahi rā mō Aotearoa hei maumaharatanga ki te Tiriti, kei hea mai i tēnei hei wāhi e puta ai.

[New Zealand Parliamentary Debates, Volume 382, p.795. Debate concerned the New Zealand Day Bill, which renamed Waitangi Day as New Zealand Day and declared it to be a statutory public holiday.]

 
  5 Hūrae 1974
David Allan Highet, October 1972.

David Highet

Image: EP-NZ Obits-H-Highet, Allan-1
© Image copyright conditions

David Highet
MEMA PĀREMATA MŌ REMUERA

Ko ētahi o ngā tāngata o tōku rohe pōti e aroha ana ki te iwi Māori kei te āwangawanga pea ki ngā kotititanga ka ara ake i te Pire nei. …Ki aku whakaaro kua eke rā te kōrero he iwi kotahi tātou i tēnei whenua, nā, kia pērā ō tātou whakaaro, tā tātou titiro, ahakoa Māori, ahakoa Pākehā, kātahi anō ka pai tō tātou noho. Ko te āwangawanga e rangona ana i tōku rohe, tērā pea mā te Pire nei e titi tētahi matakahi ki waenganui i ngā iwi e rua, he mea whakarihariha tērā ki a tātou katoa. ...Kei te moatatanga o tō tātou kotahitanga tūturu… ko te painga atu mō ngā tāngata katoa o Aotearoa. …Mehemea he pire ka noho hei matakahi, e noho mai ai he momo ‘apartheid’ ka huri kōwarotia, koia tēnei ko te kaupapa e puta ai.  

[New Zealand Parliamentary Debates, Volume 391, p.2690. Debate concerned the Maori Affairs Amendment Bill.]

 
  5 Hūrae 1974
Norman Kirk,1971. Photographer: Morrie Hill.

Norman Kirk

Image: ATL 35mm-18291-21-F
© Image copyright conditions

Norman Kirk
PIRIMIA

Ki tāku, i te kimi te mema mō Remuera [a Highet; tirohia ki runga ake nei] i tētahi kōrero pai tonu i tana kōrero he iwi kotahi tātou, engari ehara tātou i te iwi kotahi; he whenua kotahi kē. I takea mai te whakaaro mō te iwi kotahi, i ngā tau i kōrero nui ai ngā tāngata i whakanuia e ētahi atu ā rātou kōrero, mō te kupu nei mō te ‘whakaurunga’. Ki te tirohia te āhuatanga o te iwi tokomaha, me te iwi tokoiti i tō rātou taha, ko tēnei mea te whakaurunga he rite ki te mahi a te ngeru ki te kiore. Ka ‘whakaurua’ rātou. Ka horomia te tokoiti e te tokomaha, ka tāpaetia atu āna tikanga me āna taonga tuku iho ki tahaki, ā, mō te tini o ngā iwi pēnei, ka huri ki nga tikanga me te ahurea o te tokomaha. Kāore pea i pērā te tikanga o ana kōrero, ki ōna whakaaro, mō te iwi kotahi. He whenua kotahi tātou, ā, he taurite ngā motika o tēnā, o tēnā o tātou. Engari e rua ō tātou iwi, ahakoa pēhea, kia kaua tātou e whakahau i raro i tētahi ture, i tētahi Pire rānei, kia whakarērea e tētahi wāhi o te hapori o Aotearoa āna mea tuku iho, tōna ahurea, tōna tuakiri rānei, e taea ai tōna tū hei wāhi nui tonu o te whenua nei.

[New Zealand Parliamentary Debates, Volume 391, pp.2690-2961. Debate concerned the Maori Affairs Amendment Bill.]

 
  8 Nōema 1974
Matiu Rata, circa 1970s.  Taken by Evening Post staff photographer.

Matiu Rata

Image: 1/4-021374-F
© Image copyright conditions

Matiu Rata
RANGATIRA O NGĀTI KURĪ, MINITA MŌ NGĀ TAKE MĀORI

Ki ahau he hōnore nui te tū ki te whakataki i te Pire nei. Ko tōna whāinga matua he whakarite huarahi kia noho tairanga ai, kia whakapūmautia ai ngā mātāpono o Te Tiriti o Waitangi me te whakarite tikanga mō te whakawā i ngā take kei te taupatupatuhia i raro i ērā mātāpono. Ahakoa ka taea te kī, ki te motu katoa ko te Tiriti he taputapu matarua kua mau tonu mō te 134 tau, ki te iwi Māori, he kawenata tiaki te Tiriti i ō rātou motika, tōna tikanga rā. Ko te whāinga matua o te Pire he whakatutuki i te hōnore kei waenganui i a tātou. Ka whai tinana hoki i raro i te Pire te whakaaro kua roa e mau ana i te hinengaro o ētahi, e tika tonu ana kia hāpai tō tātou whenua i te wairua o te Tiriti.

…Me whakahoki noa ake i konei te kī, ko ngā mātāpono o te rā o Aotearoa [tirohia te tau 1973 i runga ake nei], he mātāpono penapena i te wairua me te tuakiri o te whenua, otirā, he whakanui i tētahi māramatanga torowhānui ki te tikanga o Te Tiriti o Waitangi hei tohu, hei whakamarumaru hoki i ngā tāngata katoa o Aotearoa, hei whakapakari i te pā tahitanga i runga i te tū rangatira me te whakaaro pai. E rua ēnei āhuatanga e mea ana te Kāwanatanga e noho ana hei mea nui, hei mea motuhake. Ko tētahi o aua kaupapa hei whakamaumahara i te kawenata nāna i whakarewa te ahunga whakamua, te ahunga ahurei o Aotearoa e pūhaehaetia nei, ko tētahi ka noho hei hōnoretanga i taua kawenata mō ake tonu atu. …

Ka whakatūria he rūnanga e mōhiotia ana ko Te Rōpū Whakamana i Te Tiriti o Waitangi... hei uiui i tētahi kerēme ahakoa he aha, hei arotake, hei whakatakoto rīpoata hoki mō ngā Pire ka tukua atu ki a ia. …Ka whiriwhiria e ia ngā kerēme a ngā tāngata e whakapae ana kua tūkinotia e tētahi Ture, e tētahi rekureihana, e tētahi Ōta Kaunihera Matua, e tētahi kaupapa here, e tētahi hātepe rānei e whakaarotia ana kāore e hāngai ana ki ngā mātāpono o Te Tiriti o Waitangi. …

I a ia e whakamahi ana i ana mahinga ka tirohia i te tuatahi e te Rūnanga ngā tuhinga kaupapa reo Pākehā me te kaupapa reo Māori o te Tiriti o Waitangi, e whakatakotoria atu nei i te rārangi tuatahi o te Pire. …He āwangawanga anō ōku, i te mea kāore ōna whakaritenga e toro whakamuri ana. Heoi anō, me waiho ēnā ki te taha, nā te mea he hīkoinga whakamua tēnei. E mārama ana te Kāwanatanga he nui tonu ngā pānga ki ngā kaupapa ā-ture o te motu ka hua ake i roto i te Pire nei…Ki te hiahiatia kia whai tikanga ngā kupu a Kāpene Hopihana i te tau 1840, “He iwi kotahi tatou” – “We are one people” – e kore e taea te whakaparahako ki tēnei Pire me ōna whakaritenga. Ka whakapakaritia, ka whakatoitūtia ngā mātāpono o te Tiriti i raro i te Pire nei. 

[New Zealand Parliamentary Debates, Volume 395, pp.5725-5726. Debate concerned the Treaty of Waitangi Bill, which established the Waitangi Tribunal.]

 
  8 Nōema 1974
Robert Muldoon (later Sir) in Parliament, Wellington, July 1975.

Robert Muldoon

Image: EP/1975/2880-F
© Image copyright conditions

Robert Muldoon
KAIHAUTŪ O TE ĀPITIHANA (PIRIMIA Ā TŌNA WĀ)

Ko aku whakaaro tuatahi [ki te Pire nā Rata i whakauru; tirohia ki runga ake nei] he Pire pahupahu noa, e kaha ana tāna kauwhau i ōna painga, engari ko Manawakawa anake ka noho mai i muri i a ia. …Kāore e homai he āwhina i raro i te Pire nei ki te Rōpū Whakamana i te Tiriti o Waitangi kia taea ai e ia ngā mātāpono o te tiriti te whakamārama. Ki taku titiro, ka riro mā te Rōpū anō tēnā mahi e pīkau i runga i tōna ake kaha.  …heoi anō nei te mana o te Rōpū Whakamana he mana tohutohu kau. Ko te tikanga o tēnei, kia mutu katoa ngā mahi ko te whakatau whakamutunga kei roto i ngā ringaringa o te Kāwanatanga o te wā. Kua puta i te Minita tētahi āwangawanga... kāore e toro whakamuri ana te Pire, nā te mea, ina tirohia whānuitia, kāore e pā ana ki ngā āhuatanga o tēnei wā, ahakoa e haere tonu ana pea ngā āhuatanga takakino i te tangata. Nā reira ka whakarewaina hei Pire pahupahu mō ōna painga, engari ki te āta wetekina ka kīia he pire kēhua noa pea, kāore ōna niho.

[New Zealand Parliamentary Debates, Volume 395, pp.5726-5728. Debate concerned the Treaty of Waitangi Bill, which established the Waitangi Tribunal.]

 
Up.
 
  8 Nōema 1974
The Attorney-General, Sir Roy Jack, at the Supreme Court, 19 February 1972.

Sir Roy Jack

Image: EP-1972-0878-20
© Image copyright conditions

TĀ Roy Jack
MEMA MŌ RANGITĪKEI

Ki aku whakaaro tuatahi, he Pire pahupahu noa tēnei nā te hunga tōrangapū, he kī katoa i ngā tara kāniwha hei whakapōraru i ngā kaupapa ā-ture o te motu. …Me whakamihi katoa tātou ki tēnei taonga i ahu whakamua ai tō tātou whenua, ki te Tiriti o Waitangi, engari kaua e hurihia hei whutupōro tōrangapū noa iho. 

[New Zealand Parliamentary Debates, Volume 395, pp.5728. Debate concerned the Treaty of Waitangi Bill, which established the Waitangi Tribunal.]

 
  8 Nōema 1974
Whetu Tirikatene-Sullivan, on her return from an International Women's Year conference in Mexico, 5 July 1975. Dominion Post Collection, Alexander Turnbull Library.

Whetu Tirikatene–Sullivan

Image: ATL EP/1975/2720/10A-F
© Image copyright conditions

WhetŪ TirikĀtene–Sullivan
WAHINE WHAIMANA NŌ NGĀI TAHU, MEMA MĀORI MŌ TE TAI TONGA

Te mea kāore i paingia i roto i ngā tau [e ētahi Māori] ko te whakanohonga o te Tiriti o Waitangi tonu i roto i ngā pukapuka o te Ture. …Te pūtake mō te āpitihana a ētahi, he mōhio mehemea ka whakamanaia te Tiriti hei Ture, tērā e taea te ūkui rawa, pērā i ngā ture katoa. Ko te āhuatanga tuarua o te Pire he ahurei tonu, nā te mea mā reira e uru atu ai te mōhiotanga o te iwi Māori mō te pānga o te Tiriti. Kātahi anō ka kitea he āhuatanga pēnei. E tiki atu ana au ki te Tiriti, arā, ki ōna whakamārama e ngā mihingare ki ngā kaihaina Māori, nā te mea he wāhi nui tonu tō ngā mihingare i roto i tēnei māramatanga. He tino rerekē rawa tā rātou whakamārama, arā, tā ngā mihingare, mō te Tiriti i tā te Tari mō ngā Koroni i mea ai, i roto i āna mahi katoa.

Ko te kaupapa tuatoru ko te whāinga mana nui o te Tiriti ki te iwi Māori. Kāore tēnei e taea te waiho. E tautoko ana te tiriti i tō rātou mana tangata whenua, tō rātou mana taketake o nehe ki Aotearoa, hei iwi pupuri i tētahi mana matua i konei.

[New Zealand Parliamentary Debates, Volume 395, pp.5728. Debate concerned the Treaty of Waitangi Bill, which established the Waitangi Tribunal.]

 
  10 Hepetema me te
10 Oketopa 1975
Matiu Rata, circa 1970s.  Taken by Evening Post staff photographer.

Matiu Rata

Image: ATL 1/4-021374-F
© Image copyright conditions

Matiu Rata
RANGATIRA O NGĀTI KURĪ, MINITA MŌ NGĀ TAKE MĀORI

Mō ngā tau 135 ki muri, kua whakapono te iwi Māori ki te Tiriti, hei tūtohinga whakangungu i ō rātou pānga katoa. He mōhio kē atu rātou ki ngā taonga kua ngaro i te muru whenua me ngā hē i utaina ki a rātou i te mea he take nā te iwi moroiti, me ngā taumahatanga ka whai mai i muri. Ka whakaarotia te nuinga o ēnei, ahakoa tika, ahakoa hē, hei tapepatanga, hei takahitanga rānei i te Te Tiriti o Waitangi. Ko te Pire kei mua i te whare i tēnei wā hei whakatinana i ngā kupu whakamihi a te Kāwanatanga ki te mana me te tapu o te Tiriti o Waitangi ki te iwi Māori, otirā ki tō tātou whenua katoa. Kua mahi nui anō te iwi Māori mō te hia tau kia whakapūmautia te Tiriti i roto i ngā ture, kia taea ai tōna wairua te whakatoitū, kia hua ai hoki he aratohu hei tiaki i ngā pānga o te iwi Māori mō ake tonu atu. …Ki taku titiro ka taea te kī ko te Tiriti tētahi papa, tētahi pou herenga toitū ki ngā tāngata katoa o Aotearoa …

Ko tētahi āhuatanga tino nui o roto i te Pire, ko te mea hoki i puta ai ngā whakatakotoranga pakari rawa ki mua i te aroaro o te Komiti mō ngā Take Māori, ko te hiahia kia whakawāteatia te huarahi whakamuri ki ngā take tawhito, kia āhei ai te iwi te whakatakoto i ērā kia whakawākia. I whakaaro nui te Kāwantanga mō tērā, ā, ko te whakatau, he maha rawa ngā uauatanga i tēnei wā. …Ākuanei pea, ki te ara ake te hiahia kia whakahokia tōna mana anga whakamuri, ka taea te āta titiro ā tōna wā.

… he kaupapa nui tonu te Pire nei i ngā hītori o ngā kaupapa ā-ture o Aotearoa.

[New Zealand Parliamentary Debates, Volume 401, pp.4342-4343, and Volume 402 p.5408. Debate concerned the Treaty of Waitangi Bill, which established the Waitangi Tribunal.]

 
  10 Hepetema 1975
Minister of Lands, Venn Young, with George Fergusson and Neville Philips, 1980. Photographer: Ian Mackley.

Venn Young

Image: ATL EP/1980/3156/11a
© Image copyright conditions

Venn Young
MEMA PĀREMATA MŌ EGMONT

O ngā wero kei mua i te tangata o nāianei, kāore he mea uaua atu i te noho mārama ki ngā whakaaro o ōna hoa. Kia taea ai tēnei pīkauranga e Aotearoa, me mātua huri ki te ako i te tino hōhonutanga o ngā here kei runga i te motu nei, e rārangi ake ana i te Tiriti o Waitangi. He nui ngā kōrero kua puta, kua tautohetia hoki mō te tiriti me ngā whakamārama mō aua kupu – mō te kaupapa reo Pākehā me te mea Māori hoki. He tini hoki ngā karanga kua puta mō te whakamananga i te Tiriti. Ahakoa rā, ko te wairua kē o te whakaaro o ngā kaiwhakarite kei roto i te pukapuka Tiriti te mauri o te taonga nei, kei reira te aroha o te iwi ki te wairua, me ngā kaihaina e noho ana.

… E mea ana te Āpitihana he tino Pire nui whakaharahara tēnei. …Ki ngā kupu a te Poari Kaitiaki a Ngāi Tahu, i āna whakatakotoranga ki mua i te komiti whāiti, he take moroiti noa ngā rerekētanga o ngā kaupapa reo Pākehā me te te kaupapa reo Māori o Te Tiriti o Waitangi, ina whakaritea ki ngā mahi apo o ngā tau tuatahi, i takahia ai ngā mātāpono o te Tiriti ki raro.

He tika te kōrero he tino kawenata tapu te Tiriti o Waitangi ki te tini o ngā tāngata o Aotearoa. He tika hoki te kī mō ngā āhuatanga i whai mai i muri, otirā ngā pakanga mō te whenua o ngā tau 1860, he hara nui i raro i te tiriti. I ēnei rā, e noho mai ana he tāngata kaha ki te whakahāwea e mea ana, kāre kau ngā painga o te tiriti i rite ki te wāriu o ngā pepa i tuhia ai i runga.  Engari arā atu ngā tāngata tokomaha, he tapu tonu te ingoa o Waitangi ki a rātou. Koirā te pūtake i kaha ai te pōuri o te iwi ināianei, mō te hua iti kua puta i te Minita mō ngā Take Māori, he nui āna kī taurangi i mua… engari ināianei ka eke te kōrero, kei raro te rahurahu. …Ko te mutunga atu o te tāpaetanga o Ngā Tamatoa ki te Kāwanatanga i pēnei āna kupu kōrero, e whakaputa nei i ōna pōuritanga nui i ngā mahi a te Kāwanatanga Reipa:

Kua oti te Pire te āta whiriwhiri e mātou, ā, ki te titiro atu kāore he rongoā mō ētahi o ngā take tawhito o te iwi, ahakoa ko tētahi wāhi iti o aua nawe, kāore kau. Kāore hoki he tikanga e pai ake ai ngā takahitanga o tēnei wā, kāore hoki he tikanga toitū hei kaupare i ngā mahi hē o ngā rā kei te tū mai.

I puta te kī a te Rōpū o ngā Tāngata Māori kua Whiwhi Tohu Whare Wānanga …pēnei..."hei whakapai kanohi noa iho tēnei Pire mō ngā ture kei mua, arā, ki te korowai whakarehurehu o te Tiriti."

[New Zealand Parliamentary Debates, Volume 401, pp.4343-4344. Debate concerned the Treaty of Waitangi Bill, which established the Waitangi Tribunal.]

 
Up.
 
  1975
Whina Cooper addresses a crowd during the 1975 Maori land march. Photographer: Christian Heinegg.

Whina Cooper

Image: ATL PA7-15-18
© Image copyright conditions

Whina Cooper
HE WAHINE WHAI MANA NŌ TE RĀRAWA, KAIĀRAHI I TE HĪKOI MĀORI O TE RŌPŪ MATAKITE

I kōrererero ngā tāngata katoa i reira mō ō rātou raruraru ki ō rātou whenua. Ngā raruraru mō te Public Works Act, mō te Town and Country Planning Act, mō te Rating Act, – he ture katoa hoki i whakamanaia ai e ngā rūnanga Pākehā hei tango i ngā whenua Māori, ā, i pērā anō te whakamahi i tēnā ture, i tēnā ture. Kātahi mātou ka mutu mō te kai, ka tīmata au ki te whakaaroaro. He aha he mahi ka taea e mātou kāore anō kia mahia i mua? Ka mutu ka haere atu au ki te rūma kai ka noho tahi ki a Hōhepa me tētahi kaituhi Pākehā, a Vivian Hutchinson. Ka noho wehe kē mātou i tō mātou tēpu. Taku kī atu ki a rātou, “ Me kimi anō he tikanga hei whakatakoto ki mua i a rātou i muri i te kai, ki te kore, e kore tātou e ahu whakamua." Ka whakamahara mai a Vivian i a mātou, i whakatūria te Roopu O te Matakite i te kāinga o Hōhepa Cooper i te marama o Pēpuere 1975, i kōrerotia hoki i reira te whakaaro kia hīkoi tātou ki te Whare Pāremata. Kātahi au ka kī atu, “Koia anō.” I muri i te kai ka matika au ka kī atu, “Hei mahi tuatahi hei rongoā mō ēnei mea katoa, he aha te hē o te hīkoi ki te Whare Pāremata, atu i Te Hāpua i te Tai Tokerau tae noa atu ki Pōneke? Engari kia tapu te hīkoi – he kaupapa tapu tonu, ko te pupuri i ō tātou whenua, ana kia pai te arataki.” Kātahi rātou ka kī mai,"Haere mai te pai o tērā, koia hei tikanga." Ka tatū i runga i te kupu whakaae a te katoa. Kātahi au ka kī atu, “Kia kimihia ake he tāne māna e ārahi?” Ka kī te hui,”Kāo, māu tonu e ārahi. Ko koe tō mātou kaiārahi.”

[Whina Cooper, recalling the March 1975 hui (meeting) at Te Puea Marae in Mangere, where Te Roopu Ote Matikite instigated the Maori Land March of September and October 1975. Cited in Michael King, Whina, 1983, p.207.]

 
  1975
Whina Cooper addresses a crowd during the 1975 Maori land march.  Photographer: Christian Heinegg.

Whina Cooper

Image: ATL PA7-15-18
© Image copyright conditions

Kahurangi Whina Cooper
HE WAHINE WHAI MANA NŌ TE RĀRAWA, KAIĀRAHI I TE HĪKOI MĀORI O TE RŌPŪ MATAKITE

Ka hīkoi te rōpū tiaki i ngā motika o te iwi Māori, Te Roopu O te Matakite, mai i te Hāpua ki Pōneke, tīmata mai i te 14 o Hepetema [1975]. Ka noho pea ko tēnei hīkoi tētahi o ngā tino mahi o te tekau tau nei, ā, ki te iwi Māori koinei pea hei whakaahuatanga whakamutunga o tō rātou kōhukihuki me tō rātou riri mō te rironga tonutanga o ō rātou whenua i roto i te 150 tau ka hipa ake nei. Nui noa atu te whāinga take o te taonga nei o te whenua ki te whakaaro Māori i ō ētahi atu tāngata o Aotearoa. Ki a rātou he kaupapa wairua. Ka kite tonu koe i reira i te pūtake o te kōhukihuki i pā ki te iwi Māori i roto i te 150 tau, i te makeretanga atu o ō rātou whenua i ō rātou ringaringa. I te taenga mai o ngā Pākehā, e 66 miriona eka ngā whenua o te iwi Māori, ināianei kua hoki iho ki raro i te 3 miriona. Kei te tino āwangawanga te Roopu Matakite i tāna kitenga i te tini o ngā ture e whakamanaia nei e te Whare Pāremata, hei whakahohoro i tēnei makeretanga atu o te whenua. Ko ētahi o ngā ture nei ko te Town and Country Planning Act, te Public Works Act, te Rating Act, me te Counties Amendment Act. Kei te hiahia a te Matakite kia whakakāhoretia ngā ture kākano tahi e pā ana ki te whenua Māori, kei te hiahia hoki kia whakaurua he ture hou mō te whenua Māori e poua ana ki roto i ā rātou tikanga ake. Kei te hiahia hoki a te Matakite kia whakaritea he taitara puritanga whenua ā-iwi, me ōna taitara kia taurite tonu ki te mana taitara ā-tangata takitahi.

[The Maori Land March ‘Petition of Support’, cited in Michael King, Whina, 1983, pp.214-216.]

 
  1975
Poets Denis Glover and Hone Tuwhare, during a tour of New Zealand poets in 1975.

Hone Tuwhare

Image: ATL 1/4-022499-F
© Image copyright conditions

Hone Tuwhare
KAITITO PAO, TANGATA HĪKOI WHENUA

I te pōuri ngā whakaaro o te ope hīkoi, ā, ka tahuri ngā kaiwhakangahau o te hīkoi, a Hone Tuwhare, te kaitito pao, rāua ko Harry Matthews nō Te Atatū, ki te whakaara i te wairua o te katoa… Kua titoa e Tuwhare tāna pao, e mōhiotia nei ko Papa-Tu-A-Nuku:

Tēnei mātou te haumiri i te tuarā o Papa
Te kōmirimiri i te tuarā kokikoki o te whenua
Ki ō mātou waewae mamae, ō mātou waewae aroha nui
Ananā, he rawe ki a ia. Kua ora noa ake.
Kī tonu mātou i te aroha ki a ia.

[New Zealand Herald, 24 September 1975, reporting on the progress of the Maori Land March from Kaitaia to Kawakawa, en route to Wellington.]

 
  1975
Bastion Point protesters (from left) Jim Moriarty, David Ruru, Hira Tomoana, and Kelly Walker at Parliament, Wellington, 30 June 1977.

David Ruru

Image: ATL EP-1977-2494-7A
© Image copyright conditions

David Ruru
KAITAUTOKO I TE ROOPU O TE MATAKITE, KAIHĪKOI MŌ TE WHENUA

Ka noho tonu iho mātou i konei [i te Whare Pāremata] ahakoa he noho mō te rua tau… Kāore e tukua kia wareware tēnei hīkoi e te iwi whānui – kei te tatari mātou ki tētahi pukapuka, he mea āta haina e te Kāwanatanga, e kore e tangohia ngā whenua e toe mai ana ki a mātou. …I tinihangatia [Te Roopu O te Matakite] e te Kāwanatanga.

[The Evening Post, 14 October 1975, reporting on the 35 members of Te Roopu Ote Matakite (the Maori Land March) who camped in Parliament grounds after the marchers arrived in Wellington.]

 
  1975
Titewhai Harawira leading a group of Maori land sqatters in song at Parliament, 22nd of October 1975.

Titewhai Harawira

Image: ATL EP/1975/4491-F
© Image copyright conditions

Titewhai Harawira
KAITAUTOKO I RE ROOPU O TE MATAKITE, KAIHĪKOI MŌ TE WHENUA 

... E whakapono ana ia me tū ake te iwi Māori ki te whawhai kia puritia ai ngā 2,000,000 eka kei te toe tonu ki a rātou. “Kāore i mutu te kī o te Te Roopu O te Matakite, mehemea kāore e haere mai tētahi whakautu ki a tātou mō ngā taonga e pitihanatia nei, me noho tonu anō tātou i ngā papa whenua o te Whare Pāremata. Koirā tētahi o ngā kaupapa taketake o te Matakite. I karanga mātou i roto i ā mātou tāpaetanga ki te Kāwanatanga inanahi me haere mai he tino whakautu mō ngā whenua Māori. Ko tō mātou whenua tēnei, kāore mātou e hiahia kia pā mai tētahi ture ki a ia.”

 [The Evening Post, 14 October 1975, reporting on the 35 members of Te Roopu Ote Matakite (the Maori Land March) who camped in Parliament grounds after the marchers arrived in Wellington.]

 
Up.
 
  1975
Bill Rowling, Leader of the Opposition 11 October 1982. Photographer: John Nicholson.

Bill Rowling

Image: ATL EP-1982-3493-25
© Image copyright conditions

Bill Rowling
PIRIMIA

Mā te Whare Pāremata anō e whakarite te whakatau, kaua māna. [Ka whakamāramatia tēnei ki ngā kaiwhakahē e te Minita mō ngā Take Māori (Matiu Rata)] Kia mārama tonu ngā kaiwhakahē, kāore ōna mana e āhei ai ia te whakatakoto pukapuka kī taurangi, i tētahi pukapuka kua tuhia, ki mua i a rātou. I te wehiwehi ngā kaihīkoi Māori ki te rironga atu o ō rātou whenua, kāore ngā kaipupuri tokomaha i rata, ā, he tika hoki kia pērā tō rātou wehi.

Ka tirohia katoatia te take o ngā whenua Māori, ā, tērā pea ka whakaritea he tikanga e herea ngā hokohoko whenua Māori ki te whakaaetanga tūturu o te katoa o ngā kaipupuri, kaua pea te 75 ōrau noa iho o tēnei wā.

He nui ngā mahi kua oti kē. …Inā koa, kua whakahoki ngā motika tuku iho ki te Māori, ā, e 42,000 eka whenua Karauna kua whakahokia ki a rātou.

[The Evening Post, 14 October 1975, reporting on the 35 members of Te Roopu Ote Matakite (the Maori Land March) who camped in Parliament grounds after the marchers arrived in Wellington.]

 
  6 Akuhata me te
2 Hepetema 1976
David Allan Highet, October 1972.

David Highet

Image: ATL EP-NZ Obits-H-Highet, Allan-1
© Image copyright conditions

David Highet
MINITA MŌ NGĀ TAKE TAIWHENUA

Kua tino werohia tēnei kaupapa hou [a te Kāwanatanga Reipa, arā, tana hurihanga i te ingoa o te Rā o Waitangi ki te New Zealand Day], e ētahi rōpū, e whakaae ana hei takahi tēnei āhua i te hiranga o te hainatanga o te Tiriti o Waitangi. … E whakapono te Kāwanatanga me whakatoitū te ingoa tawhito o Te Rā o Waitangi, kia kore ai e wareware te āhua o te hainatanga o te Tiriti 136 tau ki muri, me te wāhi nui o te iwi Māori i roto i aua mahi, kia kore ai e whakaitingia i roto i ngā mahara o ngā tāngata katoa e noho ana ki Aotearoa ināianei.

…Ko te mahi e maharatia ana i Te Rā o Waitangi tētahi rā nui whakaharahara i tō tātou tupuranga hei whenua. He wā tērā i whiriwhiri tikanga noho tahi ētahi iwi e rua, i runga i te whakapono noa o tētahi ki tētahi, me te hiahia kia mau te rongo. …Nā ngā rangatira o te iwi Māori …i tuku ō rātou pānga, ō rātou whenua, kia tiakina e te kīngi o Ingarangi. I whakapono rātou ki te Karauna o Ingarangi, ā, i whakapono te iwi Ingarihi ki te iwi Māori hei iwi taurite tonu te mana, hei iwi mōhio ki ōna takohanga. Nā reira ehara i te mea ko te rā o Waitangi tētahi tīmatanga anake mō tō tātou noho hei whenua, engari hei tohu mō ngā tūmanako mō te whakapono nui, me te hiahia kia hora te rongo. Kāore kē tātou e whakanui i te pakanga, i te whakahinganga i te hoariri [pērā i ētahi atu whenua]… Engari ka whakanui tātou i te huinga tahitanga o ngā iwi whai kaupapa rangatira. E mōhio ana tātou i roto i ngā tau ka raru ēnei tūmanako nui, ka tupu ngā kakari i waenganui i ngā iwi e rua, i muri i te rauhangatanga, te whakapono kore, te matekiritanga, me te pakanga… Ahakoa kāore i te eke ki ōna tino taumata te whanaungatanga i waenganui i ngā iwi e rua, me titiro ki ngā wawata o te Tiriti o Waitangi… – kei tēnei wairua o te whakapono ngātahi, me te hiahia kia whakatatūria ō tātou raruraru i runga i te rangimārie. Kei te hiahia te Kāwanatanga kia ora tonu taua wairua – ko te wairua i hainatia ai te Tiriti o Waitangi i Aotearoa.

[New Zealand Parliamentary Debates, Volume 404, p.1367 and Volume 405 p.2273. Debate concerned the Waitangi Day Bill, which changed the name of New Zealand Day back to Waitangi Day and retained it as a statutory public holiday.]

 
  6 Akuhata me te
27 Oketopa 1976
Matiu Rata, circa 1970s.  Taken by Evening Post staff photographer.

Matiu Rata

Image: ATL 1/4-021374-F
© Image copyright conditions

Matiu Rata
RANGATIRA O NGĀTI KURĪ, MINITA MŌ NGĀ TAKE MĀORI

…kore tonu tēnei e whakapiki i te Tiriti o Waitangi. …Mehemea he pērā rawa te kaingākau o te Kāwanatanga kia whakatoitūtia, kia whakapikia te hainatanga o te Tiriti o Waitangi, e pai ana ia ki te whakautu i ētahi pātai ruarua nei… Āhea, ki ōna whakaaro, whakatūria ai te rūnanga i whakatūria ai i raro i Te Tiriti o Waitangi 1975…? E whakaarotia ana kia hoatu he kaha ki te rūnanga kia taea e ia ngā mahi te kawe e pā ana ki te Tiriti o Waitangi?

…E whakapono au ināianei kia tino torowhānui rawa tā tātou titiro ki te hainatanga Tiriti o Waitangi.

…Nō te nohonga a te Minita nāna i whakauru te Pire i te Āpitihana i te tau 1973, i kī ia…

Ko au tētahi e hiahia ana kia karangatia tō tātou rā ko New Zealand Day, i te mea, kua noho te Rā o Waitangi i ēnei tau tata hei wā whakaputa riri mā te iwi Māori, ūā ana nei, nā reira au i whakaaro ai... he mea pai atu kia karangatia ko te Rā o Aotearoa, me kore tātou e whakakotahi hei iwi kotahi.

… ko te tino taonga ka taea te homai e te iwi Māori ki te whenua katoa ko te wairua kei roto i te Tiriti o Waitangi. Nā tēnei wairua ka whānau mai he kotahitanga i runga i te tū rangatira me te whakaaro pai tētahi ki tētahi. Āe, he ngoikoretanga anō tō te noho tahitanga i roto i ngā tau, me mātua raupine mai. Me whakanui anō te Tiriti o Waitangi hei taonga mō te whenua katoa, hei wāhi o te noho tahitanga o ngā tau 136 ki muri; engari ki te iwi Māori, ko te Tiriti te taonga tiaki i ō rātou painga.  He kaha rawa te rongo i te whakaaro he tohu noa iho te Tiriti, pēnei i te ingoa o tēnei Pire, engari ki te iwi Māori he taonga tino whai take tonu.

[New Zealand Parliamentary Debates, Volume 404, pp.1367-1368 and Volume 407 p.3424. Debate concerned the Waitangi Day Bill, which changed the name of New Zealand Day back to Waitangi Day and retained it as a statutory public holiday.]

 
  8 Nōema 1974
Whetu Tirikatene-Sullivan, on her return from an International Women's Year conference in Mexico, 5 July 1975. Dominion Post Collection, Alexander Turnbull Library.

Whetu Tirikatene–Sullivan

Image: ATL EP/1975/2720/10A-F
© Image copyright conditions

Ko WhetŪ TirikĀtene–Sullivan
WAHINE RANGATIRA NŌ NGĀI TAHU, MEMA PĀREMATA MŌ TE TAI TONGA

Tae mai ki te 1 o Ākuhata 1973, kāore anō kia whakamanaia te Rā o Waitangi hei rā whai mana mō tō tātou moutere katoa. I mihia, ā, i whakanuia te 6 o Pēpuere mō te hia tau… heoi anō he pai ake ki ahau te [ingoa] o te  “Rā o Waitangi.” …Kia pono aku kōrero, he nui ngā whakaaro whakamihi i ngā mahi o te tau 1840, ahakoa rā, ki te āta tirohia te tino āhua, he nui ngā rapunga huanga i roto i ngā mahi o te 6 o Pēpuere 1840…

Ko te 6 o Pēpuere 1840 te tīmatatanga o tō tātou noho hei whenua kākano rua. … Ahakoa ka mihia tēnei whakarerekētanga e te iwi Māori… ka kaha kē atu tō [rātou] hiahia kia whakatinanatia Te Pire mō Te Tiriti o Waitangi a te Ropu Reipa i te tau 1975. … I utaina i roto i taua ture he whakamananga ki ngā kaupapa e rua o te Tiriti, arā, te kaupapa reo Pākehā me te kaupapa reo Māori… e rua ngā aronga o ēnei kaupapa e rua… mō “rangatiratanga” me “kāwanatanga” – he aha te tikanga o ēnei kupu e rua? Ehara te tikanga o ēnei i te tuku rawa i ngā motika katoa ki te Karauna, ki a wai rānei. Nā, koirā hoki pea i ara ake ai he raruraru i muri i te hainatanga o te tiriti, ā, mai i tērā rā ki nāianei, koirā te pūtake o ngā tini aureretanga kua whakatakotoria mai ki mua i te Whare Pāremata i roto i ngā pitihana. …Kāore e tukua i roto i te kaupapa Māori te puritanga i te rangatiranga, i a ia e kōrerotia ana i roto i te kaupapa Pākehā he sovereignty. He tino kaupapa pai te rangahau.

[New Zealand Parliamentary Debates, Volume 405, pp.2273-2275. Debate concerned the Waitangi Day Bill, which changed the name of New Zealand Day back to Waitangi Day and retained it as a statutory public holiday.]

Up.