He mea waihanga i Aotearoa - Te Tiriti o Waitangi.
|

KEI TĒNEI WĀHANGA

Kōrero Poto

Kupu Whakataki

A Aotearoa i ngā tau o ngā 1830

Te hanganga o ngā kaupapa-here a Ingarangi

Te Whakaputanga o te Rangatiratanga o Nu Tīreni (1835)

Ngā tau i mua tata atu i te Tiriti

Ngā kaupapa-here a Ingarangi me te Tiriti

Te Hainatanga o te Tiriti

Ngā kōrero ake o te Tiriti

Ngā rerekētanga i ngā tauira e rua o te Tiriti

Ngā take i haina ai ētahi, i kore ai ētahi e haina

Ngā mahi whakaoti

Nga Kaupapa-Here Tōmua A Te Karauna

Te Paheke atu ki te Pakanga

Te Kōti Whenua Māori

Ngā Kaupapa-Here "Whakakotahi" me ngā Urupare a te Māori

Te Wāhanga Tuatahi o te Rautau Rua Tekau

Ka Tipu Haere te aro ki te Tiriti

Te Neke ki ngā Tāone me te Tīmatanga Hou

Ngā Taukumekume mō te Tiriti

English version of this page

Ko Te HĪtori o Te Tiriti

A Aotearoa i ngĀ tau o ngĀ 1830

He whenua tino rerekē rawa atu a Aotearoa i ngā tau o ngā 1830 i te koroni o Ingarangi i hua ake i muri i te Pēpuere 1840. Ahakoa e āta huri haere ana te ao o te Māori i tērā wā, he ao Māori tonu, he whenua Māori tonu a Aotearoa i te tekau tau i mua i te Tiriti. E whakapaetia ana kei te takiwā o te 100,000 te tokopae o te iwi Māori i tērā wā. E 200 noa iho pea ngā Pākehā i Aotearoa i te tīmatanga o ngā 1830, e noho ana ki ngā takutai o Te Ika a Māui. Engari i ngā tau whai i muri mai, i kaha tonu te taetae mai a tauiwi, i kaha ake anō te whakapāpā tahi me te hokohoko a te iwi Pākehā me te iwi Māori. E ai ki ngā whakatau tata mō te tau 1839, e 2000 pea ngā Pākehā kua rarau te noho ki Aotearoa – 1400 i Te Ika a Māui, me ōna teihana patu tohorā āhua 30 e tū tū mai ana ki te takutai. Nō reira i te ekenga o te tekau tau, kua kaha tonu te tipu o te tokopae Pākehā, engari e iti tonu ana ina whakatairitea ki te tokomaha o ngāi Māori.

Nā te mōhio ki te pānui, ka tuwhera te hinengaro Māori ki ngā ariā hou o te Paipera me te ao whānui tonu.

Kāore i tino rerekē te āhua o te noho a te Māori i ngā tau o ngā 1830 – inā rā, e noho tonu ana ki ōna anō iwi. E kaha ana te whakaatu a ētahi karu hītori o ēnei rā he hoariri kē ētahi o ngā iwi nei, ka mutu, he taki whawhai te mahi a ngā whānau me ngā hapū o roto i aua iwi.

Engari ki tētahi anō titiro, he nui tonu ngā rerekētanga i pā ki te iwi Māori i ngā tau mai i te 1820 ki te 1840. Arā ētahi karu hītori kua tohu i ētahi āhuatanga nui i pā i Aotearoa i tēnei wā, i ārahina ai te iwi Māori e ngā ariki, ngā rangatira, me ngā tohunga – ō rātou kaiārahi tōrangapū, ohaoha, whakapono – i kaha hurihia ai ngā tikanga Māori me te noho a te Māori. Me kī kua tuwhera ngā karu me ngā hinengaro ki te ao nui tonu. I tīmata hoki i konei te whiri i ngā hononga i waenga i te Karauna o Ingarangi me ngā rangatira o Aotearoa. Inā hoki te hui atu a ōna rangatira ki a Kīngi Hōri IV i te tau 1820, me te pitihana a ngā rangatira 13 ki a Kīngi Wiremu IV i te tau 1831, e inoi ana kia āta tiakina e ia te iwi Māori.

Ko ngā tau o ngā 1830 anō te wā i whakaakona ai ētahi Māori ki te pānui me te tuhi (ki te reo Māori) e ngā mihingare o Ingarangi. He mea whakamāori hoki ētahi wāhanga o te Paipera. Nā te mōhio ki te pānui, ka tuwhera te hinengaro Māori ki ngā ariā hou o te Paipera me te ao whānui tonu. Arā anō ngā Māori i rere ki New South Wales, ki Ingarangi rānei, i mōhio ake ai rātou ki te ao tauhokohoko, ki te wāhi ki te kīngitanga, ki ngā pūnaha ture, tōrangapū rerekē tae atu ki te āhua o te mahi tahi a Ingarangi ki ētahi atu tāngata whenua o te ao. E kī ana ētahi karu hītori ina tirohia te mārama o te Māori ki ngā mahi o te takiwā 1820 ki te 1840, ki ō rātou whakaaro, he wāhanga noa te Tiriti o Waitangi o tētahi hononga ka āta whiriwhiria e ngā taha e rua, ehara kē i te kaupapa whakatūturu i te mana o Ingarangi, whakakore rānei i te mana o te Māori.

Ko te nuinga o ngāi tauiwi i rere mai ki Aotearoa taka mai ki ngā tau whakamutunga o ngā 1830, i haere mai ki te kimi oranga mō rātou i ngā rawa māori o tēnei whenua – koia ētahi ko te kekeno i te tonga, ko te tohorā, ko te rākau, ko te harakeke, ko te ika. Mai i te tīmatanga o ngā 1820, whakamahia ai e ngā kaipatu parāoa o Ingarangi me Amerika ngā whanga o te raki hei tumu whakatikatika waka, hei pae okioki. Ka tae ki te tau 1830, kua noho ko Kororāreka, i te Tai Tokerau, tētahi tino pae tauhokohoko, he tino tumu anō mō te hunga whaiwhai tohorā. I te rangi kotahi, tekau mā rua neke atu pea ngā kaipuke ka ū ki Kororāreka, me te tau atu o ngā kaumoana e hia rau nei ki uta. I kaha tonu te tipu o ngā mahi tauhokohoko – hoko atu ki tāwāhi, hoko mai rānei – me te aha, ka anga nui mai ngā kaihokohoko me te hunga arumoni o New South Wales ki Aotearoa.

He mohoao tonu ngā moka o Aotearoa e whakanohonohotia ana e tauiwi i ērā wā. Kei reira ōna momo tāngata huhua – hē mai, aha mai – pērā anō i ērā atu whenua o te ao i nohoia e tauiwi i te rautau tekau mā iwa. Nō ngā iwi maha te hunga whaiwhai tohorā i tau mai ki Aotearoa, nō Ingarangi, nō te Whenua Wīwī, nō Amerika anō hoki. He maha anō ngā Māori i uru ki tēnei ahumahi, hei kaumoana i runga i ngā kaipuke, hei ringa āwhina rānei ki uta, i whiwhi ai ngā kaipuke i te poaka, i te rīwai me ērā atu rawa i hiahiatia.

Mai i te tau 1818, ka tahuri ngā ope taua mau pū o Te Tai Tokerau ki te patu i ētahi iwi i te tonga. Me te aha, ka mate ētahi o ngā iwi nei ki te rere ki wāhi kē noho ai. Ka ara ake i konei te whakataetae a ngā iwi Māori kia whiwhi ai te katoa i ngā kōpere tupua a te Pākehā. Nō waenganui o ngā 1830 i mutu ai te nuinga o ngā mahi pana tāngata, ko te raupatunga o Rēkohu e Ngāti Mutunga rāua ko Ngāti Tama te whakamutunga. Engari e tū tonu ana ōna anō riri i waenga o te iwi Māori i te tau 1840 me tua atu. Ko te whakapono o ētahi karu hītori, i te whiwhinga o ngā iwi katoa i te pū, ka āhua mauru ngā whawhai, engari ahakoa te pono, te hē rānei o tērā whakaaro, ko te mea kē e mōhiotia ana, kāore i mutu katoa ngā riri katoa o te iwi Māori i reira.

next story.


Kāore e arohia ngā tohutō i roto i ngā mahi kimi.

Kia ngāwari, kia horo ai te pānui

Haere ki te hītori poto

 

NGĀ HONO E HĀNGAI ANA

Tāngata Ingoa Nui

Te Puni Kokiri

Archives New Zealand

Artist unknown: [Stockaded hills and pa] - [1835?].
He pā whai tīwatawata,  ca 1835.

Image: ATL A-196-038
© Image copyright conditions

Sainson, Louis Auguste de  1800-: Nouvelle-Zelande. 1.2.Vieille femme et esclave de Wangari.  3.Pako, Chef du Cap Reinga.  4.Tatouage de la Cuisse de Pako. 5.Naturel de Reinga. /de Sainson pinx[i]t. Maurin lith[ographe]. J. Tastu, Editeur. Lith. de Lemercier. Pl[ate] 57.  [Paris, J. Tastu, 1833]. Portraits of Māori from Cape Reinga and Whangarei districts, with examples of face and thigh tattooingC-010-025.
He whakaahua nā Sainson, o ētahi Māori o Te Rēinga me Whāngārei, 1841.

Image: ATL C-010-025
© Image copyright conditions

Church Missionary Gleaner: Reconciliation of hostile New Zealand tribes [1851]. [Engraved by] J. Johnston. London, 1884.
He whakaahua o te rohe o Hauraki e whakaatu ana i Atirīkona Brown me ētahi o ngā tāngata o ngā iwi o Tauranga, 9 Āperira 1851.

Image: ATL PUBL-0006-1884-022
© Image copyright conditions

Sainson, Louis Auguste de, b. 1801: Baie Houa-Houa ; Naturels executant une danse a bord de l'Astrolabe (Nouvelle-Zelande) / de Sainson pinz. ; Raffet lith ; J Tastu editeur ; Lith. de Lemercier. - [Paris] ; [1833] Houahoua Bay. Natives performing a dance on board the Astrolabe.
Tā Sainson whakaari i ētahi Māori e haka ana i runga i te Astrolabe, i Ūawa, 1833.

Image: ATL B-052-021
© Image copyright conditions

Polack, Joel Samuel, 1807-1882: Kororāreka, Bay of Islands, New Zealand. [London, Richard Bentley, 1838].
Kororāreka, i Pēwhairangi, 1838.

Image: ATL PUBL-0115-1-front
© Image copyright conditions

[Williams, John]  d 1905: [Maori bargaining with a pakeha.  1845 or 1846?].
Ētahi Mäori e hokohoko ana ki te Pākehā, ca 1845-1846.

Image: ATL A-079-017
© Image copyright conditions