He mea waihanga i Aotearoa - Te Tiriti o Waitangi.
|

KEI TĒNEI WĀHANGA

Kōrero Poto

Kupu Whakataki

A Aotearoa i ngā tau o ngā 1830

Te hanganga o ngā kaupapa-here a Ingarangi

Te Whakaputanga o te Rangatiratanga o Nu Tīreni (1835)

Ngā tau i mua tata atu i te Tiriti

Ngā kaupapa-here a Ingarangi me te Tiriti

Te Hainatanga o te Tiriti

Ngā kōrero ake o te Tiriti

Ngā rerekētanga i ngā tauira e rua o te Tiriti

Ngā take i haina ai ētahi, i kore ai ētahi e haina

Ngā mahi whakaoti

Nga Kaupapa-Here Tōmua A Te Karauna

Te Paheke atu ki te Pakanga

Te Kōti Whenua Māori

Ngā Kaupapa-Here "Whakakotahi" me ngā Urupare a te Māori

Te Wāhanga Tuatahi o te Rautau Rua Tekau

Ka Tipu Haere te aro ki te Tiriti

Te Neke ki ngā Tāone me te Tīmatanga Hou

Ngā Taukumekume mō te Tiriti

English version of this page

Ko Te HĪtori o Te Tiriti

ka tipu haere te aro ki te tiriti

Mai i ngā 1930 ka kaha ake te minamina o ngā tāngata o Aotearoa kia noho te Tiriti o Waitangi hei tuhinga taketake mō tēnei whenua. I te tau 1932 ka kohaina e Kāwana-Tiānara Lord Bledisloe me tana wahine te pito whenua i hainatia ai te Tiriti ki te motu.

Ko te wawata ia, kia noho hei wāhi whakamaumahara ki te hononga ahurei o te Māori me te Karauna, i tohua e te whakaaetanga i tatū ki Waitangi i te tau 1840. Ka whakatūria he poari kaitiaki he Māori, he Pākehā anō ōna mema hei whakahaere i te wāhi nei. E rua tau i muri mai, ko tōna 10,000 ngā Māori i puta ake ki te whakanui i te rā i hainatia ai te Tiriti. Ko te tuatahi tēnei o ngā huihuinga maha ki Waitangi ka tū i te 6 Pepuere i ia tau.

Te Tiriti: he ngutu kau, he kōrero pono rānei

Ko ngā whakanuitanga i te kotahi rau tau mai i te hainatanga i te tau 1940, i āhua tāmarutia e te urunga anō o Aotearoa ki te pakanga. Engari i whakamahia e te kāwanatanga ngā mahi whakanui i Waitangi hei whakakotahi i ngā iwi e rua i runga i te whakahīhī tahi ki tō tātou nei motu. Ka whakatuwheratia he whare rūnanga hou (te “marae o runga”), he mea āta whakairo, āta hanga i raro i a Ngata. Ka whakatairanga ngā nūpepa i te noho tāhuhu mai o te Tiriti i roto i ngā kōrero o Aotearoa, hei kaupapa taketake mō tēnei whenua.  

Engari kāore a Ngata i huna i tana whakaaro me whai tonu te kāwanatanga ki te rongoā i ngā hē o mua, kia taea ai e te iwi Māori te “whakakopi ō rātou mata ki ngā mahi o mua”. Tērā pea e tipu ana te mana aro whakamuri o te Tiriti ki ētahi Pākehā tokomaha, engari ko te noho tawhiti tonu o ngā kupu o te Tiriti me ngā āhuatanga kua pā ki ngā iwi Māori maha i te 100 tau mai i te hainatanga, ka noho tonu hei take e matangurunguru ai ētahi o ngā kaihautū Māori. 

Engari nō te tau 1960 rawa i whakamanatia ai te Rā o Waitangi hei “rā whakawhetai ā-motu”.

Kua riro kē ko te 6 Pepuere tētahi rā e whakatairite ai te iwi Māori i ngā āhuatanga pono me ngā ngutu kau. Engari nō te tau 1960 rawa i whakamanatia ai te Rā o Waitangi hei “rā whakawhetai ā-motu”. Nō te tau 1973 i riro ai hei rā whakatā tūmatanui. Ka haere ōna tautohetohe, ā, i te tau 1974 ka hurihia te ingoa ki te Rā o Aotearoa. Engari i te tau 1976 ka hoki anō ki te Rā o Waitangi.

Te tipu haere o te mana taurite: ngā 1930 ki ngā 1940

E pai haere ana te noho taha ohaoha o te nuinga o ngāi Māori i te wāhanga whakamutunga o ngā 1930. Me kōrero i konei a T.W. Rātana, te poropiti Māori nui i arotahi ki ngā mōrehu, ki te hunga rawakore. Nāna tētahi kaupapa tōrangapū whai tikanga tonu i whakaara ake i te tau 1928. Ka mahi ngātahi ia me te kāwanatanga Reipa tuatahi i muri i te tau 1935, ā, autaia ana ngā painga i puta ki te Māori i raro i te kaupapa tiaki tangata a taua kāwanatanga.

I te Pakanga Tuarua o te Ao he nui atu i te 27,000 ngā tāngata Māori (he tata ki te hautoru tēnei o te taupori Māori) i whakakorikorihia kia uru ki te pakanga e te Māori War Effort Organisation. I muri i te pakanga o ngā tau 1914–1918, ko te tohe a ngā hōia Māori i hoki mai, kāore rātou i whiwhi i ngā āwhina i whiwhi rā ō rātou hoa Pākehā. Heoi anō, he kaupapa here ōpaki kē pea tēnei – ehara i te kaupapa here ōkawa. Kāore i āta aukatihia ngā hōia Māori i hoki mai i te Pakanga Tuarua. I taurite ake te āhua o te tohatoha i te “utu rongomau” i tēnei wā. Waihoki, i te tau 1947, ka whakakorehia te kupu “Native” i whakaaro rā ētahi he kupu whakaparahako, ka whakamanatia kētia ko te kupu “Māori”. I te tau 1948 ka riro ko Tipi Ropiha te Māori tuatahi kia noho hei kaihautū i te Tari Take Māori.

Ka tutuki haere pea i konei tēnei mea te whiwhinga ōrite. I mua atu i tēnei whakaohorere ana tērā te ōrau o ngā kōhungahunga Māori e matemate ana, tae atu ki ērā atu inenga mō te pai, te hē rānei o te noho. Engari ināianei kua pai haere, kua tata ake ki ō te iwi Pākehā. Otirā, arā tonu ētahi Māori i matangerengere i te mea i rangitahi noa te mana motuhake o te Māori i te wā o te pakanga. Heoi anō te mea i toe mai, ko ngā komiti ā-iwi me ngā komiti whāiti āhua ngoikore ake i whakatūria i raro i te ture o te tau 1945. 

Up.


Kāore e arohia ngā tohutō i roto i ngā mahi kimi.

Kia ngāwari, kia horo ai te pānui

Haere ki te hītori poto

 

NGĀ HONO E HĀNGAI ANA

Tāngata Ingoa Nui

Te Puni Kokiri

Archives New Zealand

Waitangi National Trust Board meeting at the Waitangi Treaty House, ca 1940s. Photographed by A Jones.
Te hui o te Poari Kaitiaki o Waitangi i te Whare o Te Tiriti o Waitangi, i te takiwā o ngā tau 1940-1950. 

Image: ATL
F-79960-1/2
© Image copyright conditions

Apirana Ngata leading a haka at the 1940 centennial celebrations at Waitangi. The meeting house, Waitangi House, is on the left.
Ko Tā Āpirana Turupa Ngata e hautū ana i te haka i ngā mahi whakanui i te rautau i te tau 1940, i Waitangi. Kei te taha mauī te whare rūnanga, te Whare o Waitangi. 

Image: ATL
MNZ-2746-1/2-F
© Image copyright conditions

District nurse weighing a baby, Waihara gumfields, Northland in the 1940s.
He nēhi ā-rohe e pauna ana i tētahi pēpi, i ngā keringa kāpia i Waihara, i te Tai Tokerau, i te tekau tau 1940-1950. 

Image: ATL F-6308-1/1
© Image copyright conditions