He mea waihanga i Aotearoa - Te Tiriti o Waitangi.
|

KEI TĒNEI WĀHANGA

Kōrero Poto

Kupu Whakataki

A Aotearoa i ngā tau o ngā 1830

Te hanganga o ngā kaupapa-here a Ingarangi

Te Whakaputanga o te Rangatiratanga o Nu Tīreni (1835)

Ngā tau i mua tata atu i te Tiriti

Ngā kaupapa-here a Ingarangi me te Tiriti

Te Hainatanga o te Tiriti

Ngā kōrero ake o te Tiriti

Ngā rerekētanga i ngā tauira e rua o te Tiriti

Ngā take i haina ai ētahi, i kore ai ētahi e haina

Ngā mahi whakaoti

Nga Kaupapa-Here Tōmua A Te Karauna

Te Paheke atu ki te Pakanga

Te Kōti Whenua Māori

Ngā Kaupapa-Here "Whakakotahi" me ngā Urupare a te Māori

Te Wāhanga Tuatahi o te Rautau Rua Tekau

Ka Tipu Haere te aro ki te Tiriti

Te Neke ki ngā Tāone me te Tīmatanga Hou

Ngā Taukumekume mō te Tiriti

English version of this page

Ko Te HĪtori o Te Tiriti

NgĀ kŌrero ake o te Tiriti

He rerekē ngā kōrero o te Tiriti reo Māori i te Tiriti reo Pākehā. Arā ētahi tāngata nui te mātauranga e tohe ana e rua kē ngā Tiriti, ko tētahi kei te reo Māori, ko tētahi kei te reo Pākehā. Heoi anō kotahi anō te Tiriti i raro i te ture, ā, me whai ētahi tikanga arowhānui e whakamahia ana hei whakamahuki tuhinga me kore e kitea he huarahi e haere kōtui ai ngā tauira e rua ahakoa ngā rerekētanga. Ko ngā tohutoro mō te Tiriti i roto i ngā ture i ēnei rā, e kōrero kē ana mō ngā “mātāpono” o te Tiriti, ko ēnei mātāpono ngā ariā matua e noho tūāpapa ana ki ngā tauira e rua o te Tiriti – reo Māori, reo Pākehā.

Upoko 1

I te tauira Māori o te Tiriti, ka tukuna e ngā rangatira ki te Kuini “te Kāwanatanga katoa” – ko te mana ārahi pea, te mana kāwana o te whenua.

I te tauira Pākehā o te Tiriti, ka tukuna e ngā rangatira ki te Kuini “ngā whāinga tika me ngā awe katoa o te mana motuhake” o te whenua me ōna tāngata katoa.

Upoko 2

I te tauira Māori, ka whakarite, ka whakaae te Kuini kia puritia e ngā rangatira, ngā hapū me ngā tāngata katoa o Nui Tīreni “te tino rangatiratanga o ō rātou whenua, ō rātou kāinga, me ō rātou taonga katoa”. Heoi, ka whakaae ngā rangatira ki te tuku ki te Kuini i “te hokonga o ērā wāhi whenua e pai ai te tangata nōna te whenua, ki te ritenga o te utu e whakaritea ai e rātou ko te kaihoko e meatia nei e te Kuini hei kaihoko mōna”. Kāore e tino kitea ana i konei te whakaaro me mātua hoko te Māori i ōna whenua ki te Karauna anake.

Ko te tauira Pākehā e whakatūturu ana, e whakapūmau ana ki ngā rangatira me ngā iwi o Niu Tīreni “te puritanga tonutanga o ō rātou whenua, ō rātou kāinga, ō rātou ngāherehere, me ērā atu taonga”. Waihoki, ka whakaae ngā rangatira ko ngā whenua e mea ana rātou ki te hoko atu, ka hokona ki te Kuini anake, kaua ki tētahi atu.

Upoko 3

Ko te tauira Māori e kī ana “ka tiakina e te Kuini o Ingarangi ngā tāngata Māori katoa o Nu Tirani, ka tukua ki a rātou ngā tikanga katoa rite tahi ki ana mea ki ngā tāngata o Ingarangi”. He āhua kātata tonu tēnei ki te hā o ngā kupu Pākehā.

next story.

Up.


Kāore e arohia ngā tohutō i roto i ngā mahi kimi.

Kia ngāwari, kia horo ai te pānui

Haere ki te hītori poto

 

NGĀ HONO E HĀNGAI ANA

Tāngata Ingoa Nui

Te Puni Kokiri

Archives New Zealand

Archives New Zealand/ Te Whare Tohu Tuhituhinga O Aotearoa Wellington Office [Archives Reference: IA 9/9].
Kei te tari o Archives New Zealand/ Te Whare Tohu Tuhituhinga O Aotearoa, i Te Whanga-nui-a-Tara.

Archives Reference: IA 9/9
© Image copyright conditions

Sainson, Louis Auguste de  b 1800: Village de Korora-reka.  (Nouvelle Zelande). Sainson pinx; H. Vander-Burch lith. [Paris; 1833].
E rua ngā waka i te takutai, me ētahi whare Pākehā hakahaka kei tua atu, i tētahi whanga ruru. Kororāreka, 1853. 

Image: ATL B-052-006
© Image copyright conditions